利寶會館

营业中

休息中

今日嚟到中環嘅利寶會館到飲茶，呢度環境好寬敞，我覺得服務都唔錯，而且點心選擇都好多！😎我就嗌左以下幾款點心：⭐️蟹子燒賣皇⭐️鮮蝦菜苗餃⭐️×O醬金錢肚⭐️一品和牛酥⭐️法式白汁鮮蟹撻⭐️黑豚肉叉燒腸⭐️酥皮蛋撻⭐️脆麻花⭐️招牌脆乳鴿當中大家一定唔可以錯過嘅，就係佢嘅招牌乳鴿，呢個乳鴿可能係我食過最好食嘅乳鴿。佢燒到好似成個燒鵝，外皮非常之脆，而且一咬就有好多肉汁！口感同平時喺出面食到嘅乳鴿非常之唔同，令人好印象深刻，非常之好食！😉而另外佢嘅法式白汁鮮蟹撻，係一個中西融合嘅配搭，喺其他點心餐廳都比較少食到，好似一個西式既撻咁，白汁同海鮮融合嘅味道都非常之夾，而且個塔考得好鬆脆！我自己私心好鍾意脆麻花，因為出面食到嘅口感通常都比較癡牙，而呢一度呢就好爽脆，而且蜜糖嘅味道啱啱好，令人忍唔住一啖一啖咁食😍而其他點心多數都非常之有水準，無論係講緊蝦餃燒賣金錢肚呢啲點心嘅味道都幾出色，好啱一家大細來一度飲茶食個包！而另外我哋叫咗蛋白杏仁茶同楊枝甘露做甜品，家人非常之喜歡蛋白杏仁茶，蛋白嘅味道非常之香滑，啱晒好鍾意杏仁茶嘅朋友仔～