雲來軒 (已結業)

佳節之前想同屋企人食返餐好味嘅中菜，突然諗起呢一間雲來軒，我對上一次食已經係五六年之前，果時候感覺非常之好！先來一個功夫湯！湯用咗茶壺盛載，好特別！湯好熱，好甜！非常好飲！入邊有雞腳，冬菇，豬腱等，火喉十足！感覺好滋補！黃金豆腐十分之脆！豆腐好滑好滑，豆香味濃郁！炸得香脆，五味香濃，面上灑上黑芝麻和五味粉，好香！花膠雞湯浸娃娃菜，唔想食得太過油膩，所以要做一份上堂嘅清菜 ，湯底好清甜，花膠雖然唔厚唔大，但都膠質十足。陳皮排骨都好特別，排骨炸得酥脆，醃得咸香 旁邊有一份陳皮醬汁，亦十分香！配上酥炸排骨，剛好中和了油膩感。最後甜品要左紅豆沙，呢一款係非一般紅豆沙，用上30年嘅新會陳皮，好香！生津解渴，開胃醒神，食完有回甘嘅感覺！估唔到相隔咁耐食物質素依然咁好，一定要多來幫襯！