影片
更多
2014-07-17
757 浏览
近兩年雞煲店越黎越hit, 第一次係半年前0係旺角食過重慶雞煲, 最深印象係食完之後成身雞煲味, 不過感覺同打邊爐差唔多, 一大班人任嗌野食任拎野飲, 感覺比較平民式的食法。因緣際會下今日黎左呢間0係尖沙咀的雞煲店, 一上到去無諗到呢個setting的餐廳係賣雞煲!餐廳檯用實木, 又有唔同手機都用得的差電線, 方便食客一邊食一邊幫電話差電, 椅竟然用designer chair, 令我一開始以為呢間係cafe多過雞煲店 lol睇到個menu更surprise, 除左typical的麻辣雞煲, 竟然有椰子煲雞, 冬瓜雞粥, 巴蜀魚或私房菜揀, 似乎老闆想黎個雞煲革命, 搞下唔同款式。正當我怕件外套同新袋會再被雞煲氣味遭殃時, waiter同我講佢地有櫃比客人擺衣物TvT 真心比佢地的細心感動。因為最近食太多熱氣野, 最後叫左椰子煲雞試下, 值得一提係menu上更會寫明佢地用咩雞, 嘉美雞平時0係街市買一D都唔平, 食落去好有口感好新鮮。個湯比起重慶雞煲的清淡得多, 不過重點係當你一路淥野食個湯底一路煲的時候, 個椰子湯會變得越黎越鮮甜, 到最後所有雞都食哂的時候我已經不停咁畢湯飲, 感覺
因緣際會下今日黎左呢間0係尖沙咀的雞煲店, 一上到去無諗到呢個setting的餐廳係賣雞煲!
餐廳檯用實木, 又有唔同手機都用得的差電線, 方便食客一邊食一邊幫電話差電, 椅竟然用designer chair, 令我一開始以為呢間係cafe多過雞煲店 lol
睇到個menu更surprise, 除左typical的麻辣雞煲, 竟然有椰子煲雞, 冬瓜雞粥, 巴蜀魚或私房菜揀, 似乎老闆想黎個雞煲革命, 搞下唔同款式。
正當我怕件外套同新袋會再被雞煲氣味遭殃時, waiter同我講佢地有櫃比客人擺衣物TvT 真心比佢地的細心感動。
因為最近食太多熱氣野, 最後叫左椰子煲雞試下, 值得一提係menu上更會寫明佢地用咩雞, 嘉美雞平時0係街市買一D都唔平, 食落去好有口感好新鮮。個湯比起重慶雞煲的清淡得多, 不過重點係當你一路淥野食個湯底一路煲的時候, 個椰子湯會變得越黎越鮮甜, 到最後所有雞都食哂的時候我已經不停咁畢湯飲, 感覺好似煲湯多過食雞煲, 讚! ^_^
可惜椰子雞煲只包一隻/半飯雞, 同埋個湯底, 如果要食其他配料就要額外再叫。等湯煲滾前嗌左2條串燒豬肉, 食得出落左孜然粉, 食落好似新彊串燒, 讚! 配料叫左蔬菜籃(竟然有山葵)!粟米好甜好新鮮! 追加多碟油麥菜都好新鮮好好食*v* 仲有好多未試過的配料, 記得有樣係黑柏葉, 食落好爽脆, 仲有樣係唔知豬定牛的橫隔網, 食落口感似響玲, 好得意! 雖然配料份量比較少, 但係食得出新鮮, 對於一間賣雞煲的店黎講, 感受到佢地的用心(試問有邊幾間火鍋或雞煲店會比新鮮料你, 其實真係食得出無幾多間), 讚!
最後....佢地竟然有SMORE!!!! menu上面寫住燒綿花糖, 本身以為係支竹籤义住兩粒咁上碟, 點知佢地將綿花糖燒得變淺啡色時再用兩塊烘過ge梳打餅夾住, 面頭再淋上蜜芽糖......*w* 我不得不encore多一碟XD 外脆內軟, 蜜糖再加上烘烤的味道, 感覺就好似食麥芽糖夾餅咁滿足! <3
P.S. 店員仲會幫我地畢埋雞煲面頭的油, 嗚呀~ 對上一次會幫我畢走火鍋面頭的油係我呀媽 TvT
等我下次抆埋D中意食辣的朋友挑戰麻辣雞煲先!
张贴