燒肉酒場 (已結業)

喺銅鑼灣行完街好攰，去登龍街呢個美食集中地睇下有咩好野食，發現原來喺永光中心10樓開咗間日式燒肉店，一於去試吓。睇吓menu，呢度嘅食物種類都幾多，而且好多都好有特色，好吸引。店員俾我哋每人一set配料，包括有黑椒洋蔥粒，新鮮檸檬，燒肉醬汁。另外爐上面放滿左洋蔥，燒過嘅洋蔥非常香甜可口。我哋點左幾款嘢食，都覺得好唔錯。伊比利亞梅頭呢個豬肉好好食，肉質結實，肉味好濃，油脂豐富，非常高質，呢個油香，真係不得了柚子雞腿肉雞腿肉嫩滑，烤過後外皮焦香可口，仲有清新嘅柚子香味。車海老蝦好大隻，新鮮爽口。羊湯茶漬飯超級推介呢個飯！我本身好鍾意食羊，湯頭充滿羊獨特嘅香味，感覺好滋補，拌飯一流飲品方面，我點左杯桂花水果烏龍茶，裏面有新鮮水果，食完燒肉，再飲一啖，特別覺得清新解膩。