影片
更多
2021-01-12
67 浏览
碌碌下openrice，突然彈個半價優惠出黎，二話不說就訂左枱。今次終於唔係一枝公食飯，搵到個女伴陪我打躉👏🏻。一到埗個場唔算多人，店員帶左我去最寬敞既卡位坐。cafe內仲掛緊聖誕既佈置，尤其喜歡廚房門口既設計同店Logo，都有小心思。但各位食客請注意，有位濃妝超大con既店員都相當之「西」，你嗌咩做咩佢都會反你白眼，完全沒有當你是一回事🥲。我諗有比佢服務過既朋友都會知我講邊個，因為我朋友一到就同我相同感覺，所以冇乜重要野都唔好召喚佢，等佢休息下🥲。嗌左個lunch set同tea set。意粉一黎就心心眼，見到配料同汁醬既份量都好足。但食入口真係比一般更一般，蟹肉似係罐頭蟹肉，個sauce都幾稀幾淡，麵硬度適中。暖笠笠既花茶，冷氣好凍，嗌左兩次店員熄細啲都「好呀」就冇理，必須嗌熱飲🥲。可以見到個茶壺都幾污糟，明顯係經過歲月既茶漬黎。對於每個星期都必食蛋糕既我，呢個cheese cake老實講個味道怪怪地，叫朋友試試佢都係咁講，睇黎唔係我味蕾出錯🥲。因為味道出錯，真係唔可以用好味黎形容，最後食剩一半。食到得返幾條先記得影，可見呢個薯條同魚手指係真係OK，熱既，證明即炸。最後就係放置左成
一到埗個場唔算多人，店員帶左我去最寬敞既卡位坐。cafe內仲掛緊聖誕既佈置，尤其喜歡廚房門口既設計同店Logo，都有小心思。
但各位食客請注意，有位濃妝超大con既店員都相當之「西」，你嗌咩做咩佢都會反你白眼，完全沒有當你是一回事🥲。我諗有比佢服務過既朋友都會知我講邊個，因為我朋友一到就同我相同感覺，所以冇乜重要野都唔好召喚佢，等佢休息下🥲。
嗌左個lunch set同tea set。
蟹肉雜菌忌廉闊條麵
5 浏览
0 赞好
0 留言
意粉一黎就心心眼，見到配料同汁醬既份量都好足。但食入口真係比一般更一般，蟹肉似係罐頭蟹肉，個sauce都幾稀幾淡，麵硬度適中。
戴安娜&花旗蔘茶
4 浏览
0 赞好
0 留言
暖笠笠既花茶，冷氣好凍，嗌左兩次店員熄細啲都「好呀」就冇理，必須嗌熱飲🥲。
可以見到個茶壺都幾污糟，明顯係經過歲月既茶漬黎。
Newyork cheese cake
5 浏览
0 赞好
0 留言
對於每個星期都必食蛋糕既我，呢個cheese cake老實講個味道怪怪地，叫朋友試試佢都係咁講，睇黎唔係我味蕾出錯🥲。因為味道出錯，真係唔可以用好味黎形容，最後食剩一半。
魚手指配薯條
5 浏览
0 赞好
0 留言
食到得返幾條先記得影，可見呢個薯條同魚手指係真係OK，熱既，證明即炸。
最後就係放置左成個鐘都冇人執既對面枱，究竟間餐廳老闆有幾窮先要understaffed到咁🥲希望疫情快過，餐廳就唔洗刻薄員工，同快快處理下西面大眼妹🥲。
张贴
