Hans Bar and Restaurant

营业中

休息中

偶然間竟然發現咗尖沙咀呢間新開無耐嘅酒吧，去到嘅時候六點幾，唔係大家飲酒嘅高峰時間，所以餐廳環境靜少少，反而可以喺呢啲時間好好地同朋友傾偈交流，覺得好舒服chill~~唔知係咪餐廳新開嘅關係，選擇都唔算多，但感受到其用心製作。鍾意出去飲酒，但係又冇呀特別好邊種酒，所以成日都叫職員推介（好麻煩）🤣今次我就同職員講咗想要Fresh啲冇咁甜嘅，佢就推介左個隱藏Menu嘅酒俾我，係有啲西柚味酒味比較重，加啲特別嘅材料令到佢呈現透明色。朋友就叫咗杯蜜瓜，佢個杯就甜少少，都好Fresh，走味冇咁重，兩杯比較起上嚟我比較鍾意蜜瓜。蒜蓉花椒凍蝦仁，雖然望落細細碟，但係分量比想像中多，花椒味好香。中華沙律蟹棒，好似加咗啲柚子，幾清香，呢個都係隱藏Menu。燒明太子單骨雞翼配一口芝士，偏鹹，但香口。雞泡魚乾，燒到有啲焦香，有驚喜。