Tipsy Tap (已結業)

今日同朋友慶祝生日，安排咗連續兩晚嘅晚餐，呢間係第2間，比起第一間，呢間雖然冇咁高級，不過貪佢夠哂靜可以慢慢傾下計慢煮煙燻豬肋條@慢煮令肉質纖維喺保持肉汁嘅情況下軟化，骨與骨之間並無太多脂肪，但係食落好軟腍好juicy，骨同肉好容易就分離，毋需狼狽咁用力撕扯。燒烤醬味道濃郁，但係唔會太鹹，為豬肋骨帶黎陣陣惹味雙重芝士雙重煙肉雙重安格斯牛堡+秘製黑松露醬薯條@漢堡包略略烘過，內裡好鬆軟，夾住鮮嫩多汁嘅安格斯牛肉、煎香嘅煙肉同滋味嘅半溶芝士，充斥牛香嘅肉汁同香口嘅煙肉，肉味雙重濃厚惹味，好豐富。連皮炸嘅薯條都幾香脆，除左蕃茄醬，加咗秘製黑松露醬同一款酸酸嘅醬，黑松露醬香得黎又唔膩，另一款醬酸酸地好開胃~ 兩個都唔錯，令人一條接一條咁食，如果薯條粗身啲就更好喇魚子醬蟹肉焗餅@蟹肉焗餅食到絲絲鮮甜嘅蟹肉，加上少量微微鹹味嘅醬汁，同蟹肉好配合，更能突顯出蟹肉嘅鮮味。放蟹餅面作點綴嘅魚子醬，帶來更鮮明嘅鹹鮮味，再配上菜苗，令呢道菜式嘅味道更富層次感