青花 (THE FOREST)

喺旺角行街又想食泰菜，又想打卡影下相，呢間都算係一個幾好嘅選擇。入面環境幾靚，燈光好適合影相。無論係朋友聚會，定係拍拖，呢間都可以滿足到你嘅願望。叫咗個二人餐，兩個人都加咗錢叫特飲，冬蔭功梳打唔好睇佢個名好似好奇怪咁，其實佢辣辣地，有少少甜甜酸酸咁，特別得來又好夠Fresh。反而泰國奶茶奶蓋冇咩特別，就係泰式奶茶加咗奶蓋同珍珠，飲落反而有啲Heavy。頭盤有青木瓜絲沙律，材料幾新鮮，醬汁夠晒fresh，感覺好light。主菜叫咗泰式大蝦金邊粉，份量有啲細，但味道調校得好好。另一個主菜係荔枝龍眼鴨脾紅咖哩，唔好聽佢個名好奇怪咁，荔枝龍眼加落咖哩度，都幾特別。