屋子 (已結業)

屋子 @uchicoffee_hk 🏠 係將軍澳海皮開咗一排既日系風格cafe，之前成日見到好多人排隊，今次平日下午去，入座唔算多人，有三枱客，1點左右就開始多人。我地見有位揀咗坐榻榻米，呢個位啱晒打卡影相。🌟味噌烤鮭魚定食有一大件連皮煎香咗既三文魚，可以加啲青檸汁增加鮮味。魚肉唔鞋，連皮都脆脆的! 定食連白飯的~~🌟壽喜燒牛肉烏冬麵 🍜壽喜燒湯底好濃郁，甜甜地，材料有大蔥、冬菇、豆腐、芋絲同牛肉，牛肉既份量好多，而且好入味。烏龍麵晒夠彈牙，唔會好軟同淋晒。🌟白玉焙茶戚風 🍰焙茶忌廉香濃幼滑，戚風蛋糕濕潤又鬆軟​，上面仲白玉，Q軟唔硬，食完成個都唔會覺得膩(雖然好飽...。我地都覺得呢個好食，影相又靚，要試下!🌟紫薯麻糬小鬆餅 🍨好得意好IGable既甜品😆呢款用原味小鬆餅做底，中間有麻糬同雪糕，上面有紫薯蓉同忌廉。鬆餅幾香同軟，同好的色。呢個配搭都幾難唔好食。🌟草莓奶蓋茶 🍓茶上面有厚厚層奶蓋，奶蓋重芝士味，單飲下面既，士多啤梨味會略淡，連埋一齊會中和返，飲品唔算甜。🌟黑芝麻豆腐冰牛奶黑芝麻既味道好出​，溝埋豆腐同牛奶，個配搭都幾特別!!​ 每一啖都會飲到豆腐碎粒​，口感更豐富​。