影片
以上资料只供参考，请与餐厅确认详情
~小仓抹茶戚风蛋糕配白桃乌龙茶（下午茶）🫖 ~戚风蛋糕口感软熟带少量湿润；淋系面上嘅抹茶奶盖清香唔腻，令蛋糕层次更丰富，相信好抹茶嘅朋友仔会钟意～白桃乌龙茶一直都有饮开，虽然佢系茶包冲开，但茶浓且自然甜味，香气十足。——————————————————📍屋子（将军澳店）将军澳澳南海岸唐俊街23号MONTEREY Place地下G16号舖#香港 #hongkong #cafe #打卡 #dessert #甜品 #戚风蛋糕 #抹茶 #macha #cake #将军澳美食 #香港美食 #uchi #屋子 #下午茶
继续阅读
今日最后一日PC 狗主题限定，打算同朋友去试下,但真系好难食,叫左个寿喜烧定食同冷面定食,果冷面同open rice 果样唔同样,果寿喜烧d肥牛碎哂😫,果杯西柚梳打无味好似饮水甘， 西柚蓉无味， 连一d甜味都无😑，个面豉汤好淡，果甜品上面系几粒戚风蛋糕粒,下面系一pat pat cream🙈， 怀疑自己系食紧咩甜品，pc 狗嘅戚风蛋糕同白卷蛋算系最好食果个，打算食完去打卡位影相，但两边都系客，根本入唔到去影相， 总体觉得，下次都唔会再想食🙈，真系好失望， 见到人手应该唔够
继续阅读
#Pochacco出道35周年终于有时间同啊仔嚟屋子Cafe 联乘 PC狗嘅期间限定店，把握最后两日！去影相打卡📷📸当然唔少得order主题菜式🤩Pochacco嘅蔬菜咖喱饭定食🍛 $108成个PC狗造型上台嘅日式咖喱饭，唔会辣，小朋友都啱食！鲜奶油纯白卷蛋🧁 $92立体感十足嘅纯白PC狗，小朋友急不可耐拆解佢香蕉奶盖椰子水🥥 $78厚厚嘅奶盖，好似食紧雪糕咁，好creamy 另外叫咗Tea sets 每款都跟沙律饮品，超抵食🤤 $68✨蘑菇奶油忌廉意粉手速最快嘅小朋友，一上枱已经抢食了奶香扑鼻，条条意粉都沾满酱汁，口感一流✨迷你丼定食可以拣三款浅尝三文鱼子，关西牛肉，鳗鱼各有特色🍰巴斯克蛋糕 $58呢款季节限定嘅芝士蛋糕，香浓芝士口感🧀又唔觉heavy
继续阅读
朋友喜欢Pochacco,所以今次见面就去咗呢度第一次来屋子,原来入面都几大,落单上菜速度也快,服务员态度也友善主食方面就正正常常,朋友叫的三文鱼子鳗鱼份量就比较少, 我叫了咖哩吉列猪扒汤乌冬,咖喱可以分开上吉列猪味道也不差,不用点沙拉酱也ok,鸟冬份量很够另外叫了小孩餐的鸡便当（有牛奶饮）比孩子,本身鸡味道已不错,如果面头的沙律酱分开上会更好甜品当然有叫Pochacco开心果流心雪芳蛋糕,比预期做得出色喔（其实冇乜期望）流心开心果味也浓郁另外叫了黑糖珍珠奶盖souffle,连souffle本身也是黑糖味,另外有一球云尼娜雪糕很抵食
继续阅读
平时少机会去将军澳，今次见有PC狗联乘cafe，特登同朋友走去食，谂住食完顺便行街。大概1430到餐厅，要排队都好合理。排队期间见到好多枱似系食到尾声但濑死唔走嘅感觉。不过舖头大，我哋都好快入座，点知就系伏嘅开始…因为唔俾用截埋时间嘅相，所以只能叙述。根据收据，落单时间系1451，我同朋友各叫咗1个正餐/1个甜品/1杯饮品，甜品后上。当中一个甜品同饮品都系PC狗相关。朋友杯饮品好快就到，但PC狗嘅香蕉热牛奶要1519先到，嚟到嘅时候仲要系冻嘅。唔明点解要用咁多时间先上到枱。虽然系冻但香蕉味好浓，等到1522，正餐都到齐，可以开餐。乌冬煮得好食，有咬口。个人建议如果叫青柠梅子汤乌冬，记得拎起啲青柠，后续会食到青柠皮嘅苦。食咗15分钟左右，叫上得甜品。知道佢甜品要30分钟，所以我哋耐心等到1605先催单，侍应话甜品要耐少少。于是我哋等多10分钟，再叫侍应，个侍应竟然话你哋甜品后上，唔叫系唔会上。当然果刻出声同佢反映我哋半个钟前已经叫咗可以上。个侍应先话我帮你哋转加快。结果PC狗甜品嚟到系1637，朋友嘅都系未到。我谂唔系朋友叫取消，佢系唔打算上俾你。甜品其实系几好食但系当下心情系想快啲食完走人。到俾钱已经17点，我从来冇谂过食cafe会食2个钟多。店内系有打卡位，但佢打卡位置前面都有客人，加上店舖系宠物友善餐厅。影相怕影响到其他客人，又要唔知狗仔会唔会咬人嘅情况下，打卡都唔能够尽兴。整体嚟讲效率太慢，导致有排队以及客人食完唔走嘅假象。下次再有联乘都唔会再去。
继续阅读