青花 (THE FOREST)

喺網上睇到呢間餐廳，覺得裝修幾靚，所以去試吓。叫咗一個惹味細拼盤，有四款，每款兩件。拼盤有豬頸肉，炸雞卷，炸魚餅同埋蔗蝦。炸得唔錯，加埋泰式辣醬同埋甜酸汁好開胃🤤另外叫咗個荔枝龍眼牛肉紅咖喱🐃都有幾多牛肉，荔枝食落都甜。我最鍾意食裏面嘅薯仔，好淋好入味仲有鹹蛋黃龍蝦🦞拼薯圈，龍蝦都幾多肉，但明顯煮耐左，有啲靭🙈鹹蛋黃味亦唔太出，薯圈炸得太硬🥴另外叫咗油酥餅🫓三個脹卜卜好可愛，食落都香好鬆化，配上咖喱汁食簡直一流叫咗杯蝶豆花椰子奶蓋，賣相好靚，飲落好香濃椰子奶味🥥🥥最後叫咗個甜品，芒果糯米飯🥭糯米飯都OK軟熟，但芒果未熟，唔甜😣