炎丸居酒屋 (已結業)

星期五約左三五好友去食飯，但處處都爆棚或者排哂長龍，大家放左工實在冇力氣排咁耐，係k11內行行下偶遇呢間日本居酒屋，位置唔係好顯眼，唔洗排隊，就揀左黎食。由門口已經見到富有日本風嘅擺設，十分吸睛，入到去裝修非常有心思，讓人仿約處於日本居酒屋🏮我地幾個都揀左北海道海鮮丼，再加個燒魷魚做小食。燒魷魚燒得好香，魷魚唔會「un」，食落唔會乾，唔錯👍🏻個海鮮丼嘅魚生都非常新鮮，冇雪藏味，只係個白飯令人有啲失望，煮得硬左啲冇日本米好飽滿嘅口感，加上可能壓個啲飯底，食落個口感差左，有待加強。如果想同朋友坐底慢慢食飯傾計，都算唔錯嘅選擇，佢唔會趕人走。不過價錢偏高，唔知係未貴租，有budget限制嘅要三思下，呢到有部分係食個環境。