厚福館 (黃埔天地) (已結業)

九龍城火鍋老字號厚福館黃埔開咗分店，仲有一人火鍋同午市抵食套餐!行過忍唔住入去滾一滾~午餐有多過十款選擇，揀完主食就揀湯底同特色麵食，幾十蚊一個餐仲有小食同茶飲送，真係好抵~朋友一眼就睇中嚐十三味牛福盤，有A5飛驒和牛、胸口朥、封門柳、安格斯頸脊、雪花.勃仁、匙仁、吊龍、黃牛喉……等，其實好多部位都未聽過，有d真係第一次試，款款都好味，雖然每款份量唔多，但呢個價錢同午飯嚟講真心性價比高!仲要個沙嗲湯底夠香濃惹味，真係越食越有胃口！我就揀火鍋手切牛魔王配姬松茸野菌湯底 ，湯底香甜濃郁，最鐘意封門柳肉質鬆軟有牛味，汕頭牛丸彈牙而且味道夠地道，咬開爆汁，下次必定再點！另外再追加小食韮菜餃同梅菜豬肉丸，平平地十幾蚊一份啱晒兩個人去食!跟餐加幾蚊有菠菜麵同莞茜麵，仲有有機蕃茄麵、拉麵等選擇，份量剛好，莞茜味幾突出～午餐唔駛一百蚊有咁嘅質素享受一人火鍋真係好抵!