美人鍋 (已結業)

天氣開始凍了，又乾燥，係時候要保養好自己嘅肌膚， keep住靚靚。今日就選咗去食美人鍋，希望好好滋補一下自己。佢哋嘅套餐要$116包蔬菜盛盒和$48嘅湯底，其他火鍋配料自己選，豐儉由人。一人一鍋，唔使爭。我選了兩客豬腩肉、粟米雞免治肉、芝士魚餅、紅薯粉、羽衣麵。再加兩款小食，成為四百幾蚊。其中我覺得豬腩肉係抵食嘅，佢嘅片數份量都唔少，而且豬肉食落口都算粒同好食，有豬味㗎 ！另外芝士魚餅味道都好特別，係我第一次食呢！羽衣面又係推介，都係我第一次食，味道好似食河粉咁，但又比河粉彈牙，又有少少似烏冬，值得一試。湯底味道都唔錯，店員亦都好主動會加湯，睇住一個好似布甸咁嘅湯底係幾秒更迅速氧化，真係好治癒。小食叫咗牛油果明太子春卷，炸得香脆，味道唔錯。另外叫咗南蠻炸雞，佢同普通炸雞唔同，係佔咗蛋漿再炸，要加了甜醋，伴隨他他醬一起吃，食落口比普通炸雞多了一份層次感。