厚福館 (黃埔天地) (已結業)

回娘家探媽媽，遠處見到老字號火鍋 厚福館 來黃埔開咗新店喎！黃埔花園街坊有口福了。午市時間特別多人排隊，裝修時尚新淨，衛生防疫措施做到足，一於嘆番個 靚料靚湯一人火鍋麵餐先！踏雪尋龍 $128第一眼就睇中左 踏雪尋龍，淨係睇個名都夠氣勢，睇真啲真係超級有意思，踏雪=蛋白蒸，尋龍=活龍蝦。試過晚飯食滋味無窮，今天又回味一下，雞油花雕蛋白蒸，蛋白蒸入口即化，清新健康而且吸收了各款海鮮的鮮味，味道濃郁。真材實料，新鮮生猛的活龍蝦半隻，活龍蝦 鮮甜彈牙，啖啖肉很結實。海蜆六隻 鮮味冇沙，青口鮮甜。不用煩惱配搭，因為已經配好了烏冬底，吃落更有口感。跟餐奉送小食及特飲，飲番支解茶可以消脂減油膩。魚皮很酥脆。當然不能錯過輕食追加，$8 即食小食系列，有炸招牌黑松露餃，黑松露味道濃郁，好味推介！$12 炸雲吞兩粒，配上秘製醬汁更加可口。$8 鍋物追加，有最愛的爆芝蝦丸和爆芝墨丸，彈牙可口，芝士迷不能錯過。$15 鍋物追加，我選擇了特色的鹹蛋豬肉丸。今個午餐吃得很快樂很滿意，食物質素高，服務態度非常好, 海鮮新鮮，款式又有創意，值得推介比屋企人，下次帶阿媽嚟食下先。