家傳滬曉 (已結業)

酸辣湯，生煎包，小籠包，雪菜肉絲炒拉麵，唔知咩炒菇小白菜，蒸餃，八寶茶。酸辣湯好多料，夠杰身，微酸，微辣，有筍子，豆腐同蝦等等，蝦有蝦味，又爽口，個樣又靚，又好飲，又唔會好似好張咁，值得推介。生煎包，底好脆，包好軟，除左肉就比較實外，其他都好正。小籠包，唔夠多摺，亦蒸得太熟，所以比較平身，尤幸夾左都無穿皮，但肉又係太實，好彩都叫有汁。炒拉麵，雪菜黏住拉麵好靚，夠煙ｕｎ，其實都過得去的，但無乜特別。炒菇小白菜，有雜菇，包括：冬菇，雞脾，秀真，加埋小白菜塾底，加左汁去炒，食落都唔算話好清，如果清淡點，相信會更好。蒸餃，一樣，肉太實，今次連皮都差，比較硬，尤其放三至五分鐘，就硬得幾緊要。八寶茶，係綠茶，亦加左紀子等材料，幾香，幾好，但飲都尾會只飲到茶味，無其他味。侍應服務唔錯，笑容唔錯，野食唔錯，裝潢同硬件都唔錯，值得推介。