影片
更多
2018-12-16
167 浏览
今日家姐提議到將軍澳，附近一間新開既居酒屋一家人食餐飯，去到門口已經覺得鋪頭充滿日本風情，門口掛左一支支彩色既日本旗，而且整個門面都係木制 相當特別。入到去餐廳，餐廳既座位主要分左兩類，有部份係普通既四至六人枱，同埋有部份就係日式包廂，而今次好好彩，因為人唔多 有得一嘗坐日式包廂既感覺。而餐廳相當注重客人私穩，包廂有一道厚厚既木門幫我地隔位，更貼心既地方係餐枱隔離有一個服務鈴，方便你落單、搵侍應或者賣單！餐廳既野食種類相當之多，有刺身、日式料理、稻草烤物、拉麵、意粉等等絕對唔會揀唔到野食來食。今次我地屋企人難得一聚，家姐又話請客，當然就係有大食大咩都叫下！！今次我地叫左：北海道蝦味噌出汁炊餃子 $88，豬肉蔬菜餃放落去，味嚐煮成既濃湯，鮮甜味更濃郁，而店家仲用一個小石鍋送上來，絕對係步入冬天既時候要叫來食！豬骨拉麵煮雞蛋 $98，店家既湯麵類真係做得唔錯，調味岩岩好 而我自己都好鐘意依個豬骨拉麵煮雞蛋，因為豬骨味相當香濃 而店家仲加入左少少既黑蒜油令到我地食每啖麵既時候，更加惹味，而且店家既溏心蛋真係好正～ 稻草烤安格斯牛扒 $168，作為牛魔王既我，又點可以唔試下稻草烤出來既安格斯牛
入到去餐廳，餐廳既座位主要分左兩類，有部份係普通既四至六人枱，同埋有部份就係日式包廂，而今次好好彩，因為人唔多 有得一嘗坐日式包廂既感覺。
而餐廳相當注重客人私穩，包廂有一道厚厚既木門幫我地隔位，更貼心既地方係餐枱隔離有一個服務鈴，方便你落單、搵侍應或者賣單！
餐廳既野食種類相當之多，有刺身、日式料理、稻草烤物、拉麵、意粉等等
絕對唔會揀唔到野食來食。
今次我地屋企人難得一聚，家姐又話請客，當然就係有大食大咩都叫下！！
今次我地叫左：
北海道蝦味噌出汁炊餃子 $88，豬肉蔬菜餃放落去，味嚐煮成既濃湯，鮮甜味更濃郁，而店家仲用一個小石鍋送上來，絕對係步入冬天既時候要叫來食！
豬骨拉麵煮雞蛋 $98，店家既湯麵類真係做得唔錯，調味岩岩好 而我自己都好鐘意依個豬骨拉麵煮雞蛋，因為豬骨味相當香濃 而店家仲加入左少少既黑蒜油
令到我地食每啖麵既時候，更加惹味，而且店家既溏心蛋真係好正～
稻草烤安格斯牛扒 $168，作為牛魔王既我，又點可以唔試下稻草烤出來既安格斯牛扒，店家既牛扒熟成度大約係5至7成左近，但絕對唔會覺得太硬 反而口感剛剛好，而稻草烤出來 感覺上油膩感較少，配埋店家自製既蒜片～正！
明石燒風雞蛋卷 $68，係我幾異想唔到既一道菜，本身以為係普通既玉子燒，口感會比較硬同結實，點知完全同我想像唔一樣！雞蛋卷既口感係軟滑帶點半熟，超級推介！
炒羊菜 $78，冬天係食羊肉既季節，因為羊肉可以暖身，依道菜係用羊肉片同唔同既雜菜炒成，菜混合左羊味 香而不膻。
煙肉芝士奶油意大利麵 $128 (2人份量)，唔好以為店家係做日本野，意粉就唔得～店家既意大利麵相當有誠意，就好似平時係酒店Buffet食到既意粉甘，將煮去既意粉放係芝士上轉啊轉，等佢痴滿晒芝士～又點會唔好食呢？
三文魚壽司 $37，店家既三文魚絕對高汁，口感相當軟滑 仲要比左近腩位既部份比我地，更值得一讚既地方，店家既壽司醋係比較特別，係相當比較香同酸味較少，壽司飯係呈少少微黃色，好有誠意！
屈完家姐一大餐，仲要甘好食～真係只能說：大滿足啊！
张贴
