The Joomak (已結業)

今晚同朋友去尖沙咀海運行街，行到都唔知時候🙈，咁梗係去搵食啦😂，行過呢間餐廳，見到係韓食，仲要有韓式素食，咁得意😎，同個朋友一致決定食呢間🙈，雖然當時已經差唔多八點半，但依然都要等位，等咗大概10分鐘就可以入座，比安排近窗邊位置，個景簡直一流👍🏻👍🏻，而入邊裝修亦不錯，1）炸紫薯素芝士脆片，兩塊紫薯中間夾著芝士一齊炸，好特別，芝士味好濃👍🏻，亦都不太油膩👍🏻，2）韓國水梨卷，因為入邊加左梨，所以 好香甜，因為通常出邊食嘅都係有肉的，所以我個人都覺得唔錯，3）素菜拌飯，不過不失，4）韓式牛肉炒粉絲，呢個好好食，牛肉同粉絲都炒到剛剛好，牛肉唔會好靱，依然可以食到牛肉味，冇比醬汁蓋過👍🏻，整個味道剛剛好，帶有甜味👍🏻👍🏻5）水果柚子茶，呢個係2人份量，酸酸地都幾開胃，不錯👌🏻，整體來講，值得一試👍🏻👍🏻