影片
更多
2022-09-17
1046 浏览
早前酒店有limited discount，搶到天龍軒嘅6道菜Lunch Menu。前菜有桂花蜜汁叉燒、薑蔥煎帶子、免治和牛脆藕餅。第二道菜有炸釀鮮蟹蓋🦀熱辣辣軟嫩嘅蟹肉同酥脆麵包糠形成強烈對比，內裏有少許洋蔥碎，增加口感之餘平衡返油膩感。蟹蓋份量十足，食完已經飽咗兩成。花膠酸辣羹，又係十分足料嘅一道菜，呢個花膠羹偏辣，食得過癮👀。南非6頭鮑魚伴原條海參，正常酒店水準嘅一道菜，鮑魚燜得夠入味腍身🤤星斑魚蓉糯米飯，黎到最後一個主菜已經接近8成飽🤰🏻開頭以為呢個會係炒飯，點知係湯飯嘅形式呈上。每粒飯都被鮮甜嘅魚湯包裹，如果係冬天食嘅話應該更加滿足！最後仲有三款甜品：紫米露、豆沙點金丸子、酥皮蛋撻。上菜速度有條不紊，食物質素甚高，配合埋Ritz Carlton嘅無敵大海景，今餐都係約七八百蚊一位，米芝蓮二星嚟講都算ok抵食！
前菜有桂花蜜汁叉燒、薑蔥煎帶子、免治和牛脆藕餅。
第二道菜有炸釀鮮蟹蓋🦀熱辣辣軟嫩嘅蟹肉同酥脆麵包糠形成強烈對比，內裏有少許洋蔥碎，增加口感之餘平衡返油膩感。蟹蓋份量十足，食完已經飽咗兩成。
花膠酸辣羹，又係十分足料嘅一道菜，呢個花膠羹偏辣，食得過癮👀。
南非6頭鮑魚伴原條海參，正常酒店水準嘅一道菜，鮑魚燜得夠入味腍身🤤
星斑魚蓉糯米飯，黎到最後一個主菜已經接近8成飽🤰🏻開頭以為呢個會係炒飯，點知係湯飯嘅形式呈上。每粒飯都被鮮甜嘅魚湯包裹，如果係冬天食嘅話應該更加滿足！
最後仲有三款甜品：紫米露、豆沙點金丸子、酥皮蛋撻。
上菜速度有條不紊，食物質素甚高，配合埋Ritz Carlton嘅無敵大海景，今餐都係約七八百蚊一位，米芝蓮二星嚟講都算ok抵食！
张贴
