鮨千月 (已結業)

朋友生日我地就約左去食omakase，係金輪天地26樓嘅鮨千月可以望到維港景，天色好靚，一路食一路望住咁靚嘅景，好正。我地叫左廚師發辦森羅$480沙律新鮮爽口，醬汁酸甜幾開胃。茶碗蒸入面有蝦，蟹柳，東菇，白果，材料豐富，蒸蛋嫩滑。間八魚薄切晶凝通透，配柚子醬油酸酸地好夾。刺身3點油甘魚好厚肉，拖羅入口即溶無筋，好好食，螢光魷魚爆膏。壽司4貫石雕魚，深海池魚，立魚，新鮮肉質鮮甜，師傅已整好調味，可以唔洗再沾醬油。北海道馬糞海膽好creamy入口即溶。刺身飯材料幾多，有油甘魚，章紅魚，三文魚籽，魷魚，蟹籽等，個飲充滿麻油香。味增湯唔會太感，仲有蔬菜係入面。甜品紅豆雪糕好香濃仲有紅豆粒。