影片
更多
2019-12-05
789 浏览
今日收工就同男人嚟呢度chill下，上到嚟裝修真係好有格調，而且呢度嘅職員全部都好靚仔， 大部份都好有禮貌好有笑容。不過最令我喜愛嘅係佢呢度嘅景色，即使今晚比較大風，我都堅持要坐出邊。因為望住個維港景色，真係不得了。.佢呢度除咗飲野，水煙之外，仲有fusion菜食，即使係飲品，佢都用咗fusion嘅方式去演繹。就好似呢度嘅Old Fashion咁，傳統Old Fashion 係用Whsiky底，但呢度嘅Old Fashion係用中國米酒底。不過因為我哋嚟之前已經食咗嘢，所以我就淨係試咗佢個甜品 - 焦糖燉蛋拼藍莓麻薯。佢個燉蛋面頭嘅焦糖真係好脆，個蛋做到實得嚟又滑，加埋焦糖脆卜卜咁，好味。而佢個藍莓麻薯我都覺得幾好食，因為麻薯小小甜甜地，又帶煙煙韌韌，配埋新鮮藍莓嘅酸酸甜甜，我喜歡呢個味道。.飲品方面，我原本想帶佢啲signature cocktail，但職員話飲品已經轉晒但係餐牌未跟到，所以直接問我地想要啲乜嘢味道，然後直接根據我哋嘅喜好為我地調一杯酒，所以連名都冇的。我喜歡酸酸甜甜嘅味道，所以最後酒保幫我調左呢杯由熱帶水果組成嘅cocktail ，佢入面有個芒果菠蘿柚子香橙，再加v
不過最令我喜愛嘅係佢呢度嘅景色，即使今晚比較大風，我都堅持要坐出邊。因為望住個維港景色，真係不得了。
.
佢呢度除咗飲野，水煙之外，仲有fusion菜食，即使係飲品，佢都用咗fusion嘅方式去演繹。就好似呢度嘅Old Fashion咁，傳統Old Fashion 係用Whsiky底，但呢度嘅Old Fashion係用中國米酒底。
不過因為我哋嚟之前已經食咗嘢，所以我就淨係試咗佢個甜品 - 焦糖燉蛋拼藍莓麻薯。
佢個燉蛋面頭嘅焦糖真係好脆，個蛋做到實得嚟又滑，加埋焦糖脆卜卜咁，好味。
而佢個藍莓麻薯我都覺得幾好食，因為麻薯小小甜甜地，又帶煙煙韌韌，配埋新鮮藍莓嘅酸酸甜甜，我喜歡呢個味道。
.
飲品方面，我原本想帶佢啲signature cocktail，但職員話飲品已經轉晒但係餐牌未跟到，所以直接問我地想要啲乜嘢味道，然後直接根據我哋嘅喜好為我地調一杯酒，所以連名都冇的。
我喜歡酸酸甜甜嘅味道，所以最後酒保幫我調左呢杯由熱帶水果組成嘅cocktail ，佢入面有個芒果菠蘿柚子香橙，再加vodka底，飲落以橙味為主，酸甜平均，酒精唔太濃，都好岩女仔飲。
而男人鍾意飲Gin Tonic，所以呢一杯就以Gin Tonic做底，再加左青瓜，檸檬汁，soda，令佢個味道更加fresh，而且帶小小甜，好好飲。
Chill得就一定要有水煙啦，餐廳有啲已經set好咗嘅組合，但係我哋都係決定自己揀，因為我想要牛奶base，而味道方面，同樣地你可以同職員講你嘅喜好，佢會幫你調。一般我會喜歡伯爵茶底，但驚加埋牛奶base會有啲奇怪，所以最後職員幫我搵左Hong Kong milk tea做底，再加左啲水果，令到最後出嚟個口感係creamy得嚟又帶點fresh嘅感覺。
呢度個環境好舒服，成晚播嘅都係我喜歡嘅pop music，好似Bruno Mars呢種。加埋呢個無敵海景，完全係唔想離開。
另外我覺得餐廳好窩心嘅係，佢個洗手間竟然係會有漱口水牙線，俾你食完飯，清潔口腔嘅工具。
臨走有個靚仔職員同我地講佢地嚟緊happy hour會做嗌白酒送生蠔嘅promotion，所以下次我一定捉埋啲姊妹過嚟再chill過。
张贴
