Bellevue Bar and Grill (已結業)

今日同男朋友去旺角行街，喺openrice上面訂咗位食飯。一入餐廳即刻好大驚喜，裝修得好靚，窗邊仲有兩個大心心， 好啱拍住拖嚟食嘢。而因為喺23樓嘅關係，望落去景色唔錯。我叫咗前菜餐湯加甜品，再加蒜香墨魚仔，餐湯係蕃茄濃湯，真係超級濃蕃茄味，但又唔會好酸。牛油麵包亦一啲唔媽虎，超鬆軟，好食過街外包店嘅多多聲。墨魚仔大大粒，好彈牙，配蕃茄油醋汁，少少酸，啱曬用黎開胃。主菜我就叫咗一個香辣牛臉頰肉燴羅勒長通粉，賣相好好，夠colourful。牛臉頰肉超級嫩滑 ，長通粉煮得啱啱好，唔會話韌。醬汁其實唔辣，有少少似蕃茄口味，所以食落好開胃 ，附送嘅飲品我就叫咗同檸茶，正常水準。最後嘅甜品係芒果慕斯，食得出整得好有心機，同外面甜品舖賣嘅差唔多 ，芒果味好濃，唔係死甜。 整體嚟講呢間餐廳，我會畀幾高嘅分數，環境又靚，職員仲要態度好好。