影片
更多
2015-10-22
566 浏览
有時潮流的東西係絕對是一發不可收。記得當韓式的那個蒸海鮮方法引進後，九重鮮同five sense 為香港帶來了清新海鮮的新食法，結果人人爭著潮聖，到最後，篇地開花應該完全可以形容呢個蒸氣火鍋潮流。連一些酒家都開始跟風，先有厚福發揚光大的那個潮福，另外大中華，小肥羊，稻香等等大名品牌都係呢個場分一個market share，冇辦法，可能潮福太多人排隊吧。霞力當然，呢啲地方好壞參半，有些有水準，有些只是趕上潮流的尾班車，不過，當中有很多很有心的餐廳，金豪就係其中一個例子。來到餐廳，其實我覺得很像那些深水埗長沙灣走平靚正的餐廳，裝修實而無華，應該實力絕對不惹少，其每枱setting餐牌都勁似另一間潮福，連價錢也差不多，黎到呢到，我係有少少驚，因為驚有伏味，大概咁似有兩個原因，一係像copycat咁抄，一係真係其連鎖店的分支。好奇害死貓，並沒有害我，我同啲阿姐閒聊之下才知道，原來呢間係深水埗嘉頓隔離個間金豪的分店，潮福同佢並沒有什麼關係。我立刻想起的不是伏味，而是那雞湯翅的美味，這間兒時深水埗的最愛，大約點樣差都不會衰到那裡。你去一些餐廳，佢地會將個蒸火鍋弄得良莠不齊，但這裡我覺得絕對係青出於
記得當韓式的那個蒸海鮮方法引進後，九重鮮同five sense 為香港帶來了清新海鮮的新食法，結果人人爭著潮聖，到最後，篇地開花應該完全可以形容呢個蒸氣火鍋潮流。
連一些酒家都開始跟風，先有厚福發揚光大的那個潮福，另外大中華，小肥羊，稻香等等大名品牌都係呢個場分一個market share，冇辦法，可能潮福太多人排隊吧。霞力
當然，呢啲地方好壞參半，有些有水準，有些只是趕上潮流的尾班車，不過，當中有很多很有心的餐廳，金豪就係其中一個例子。
來到餐廳，其實我覺得很像那些深水埗長沙灣走平靚正的餐廳，裝修實而無華，應該實力絕對不惹少，其每枱setting餐牌都勁似另一間潮福，連價錢也差不多，黎到呢到，我係有少少驚，因為驚有伏味，大概咁似有兩個原因，一係像copycat咁抄，一係真係其連鎖店的分支。好奇害死貓，並沒有害我，我同啲阿姐閒聊之下才知道，原來呢間係深水埗嘉頓隔離個間金豪的分店，潮福同佢並沒有什麼關係。我立刻想起的不是伏味，而是那雞湯翅的美味，這間兒時深水埗的最愛，大約點樣差都不會衰到那裡。
你去一些餐廳，佢地會將個蒸火鍋弄得良莠不齊，但這裡我覺得絕對係青出於藍而勝於藍，至少，對比潮福，絕對有過之而無不及。
係未火鍋前，當然吃過首本名菜先，避風塘瀨尿蝦，金豪的首本名菜，如果你係懶到出汁，呢個真係好適合你，完全不用手，不用拆殼，你便可以吃到一隻隻豐腴的瀨尿蝦，配合那種地道風味避風塘式的辣味，送酒是多麼的一流。
打邊爐前，混一下醬，特別一提，這裡的自家泰式辣醬，送海鮮非常一流，必要試試。
花甲王，食呢類蒸氣火鍋前食花甲應該是常識吧。呢度嘅花甲王甜美無沙，肥美肉厚，全碟吃過片甲不留。
青口，由紐西蘭來的近乎藍青口的海水感覺，漲卜卜的青口肉大如發育健全的美女，好吃又好睇。
蒜蓉粉絲蒸聖子，價錢實在平到笑，而質素也絕對不失禮，調味剛剛好，用上質素佳的蘇格蘭蟶子皇，由地球之南到地球之北，我以為自己係村上春樹，可以寫下的是海鮮的藝術。
美國石蠔，手掌咁大嘅石蠔應該係令大家嘩然的原因，來自美國的呢個生蠔肥大得像欣宜一樣，我第一次吃實在是驚喜萬分，特別係整個石蠔都充滿蠔鮮味的蠔水，加上蔥頭的調味，其充滿變化的調子，美得很。
蒜蓉肉蟹蒸糯米飯，用了六分鐘蒸熟的糯米飯感覺令人討好，肉蟹係非常的大雙，配合勁多的蒜蓉味的飯和蟹肉，香氣直迫你的嗅覺中央系統，糯米飯勁有口感的嚼勁，比蟹肉更搶鏡。
清蒸四寶丸，有豬肉丸，鯪魚球，蝦丸，墨魚丸，前陣子在吃過了的四寶丸，今日又有得食，牛肉丸換上豬肉丸，今日的驚喜更甚，最喜歡是其蝦丸，全是打真軍的蝦肉，鯪魚球的又係新鮮每日手打，一吃便知，全部的丸類都係大粒而充實，就如裝滿了的福袋，你只希望把它們都帶回家，或者你的肚裏。
蒜蓉蒸勝瓜，相信呢個組合無得輸，至少愛蒜蓉的我就是停不了口。
梅菜菜遠，對比起潮福，呢度嘅菜類係技勝一籌，起碼不是用生的菜來蒸，菜遠係已經用滾水輕灼過的，加上梅菜的配置，是清腸胃的首選。
唯一我覺得唔好嘅係菜類真係唔平，相對吃海鮮真係非常抵。清蒸和牛，呢個又係好難想像好食與否，平時燒肉或刺身和牛就吃得多，但原來呢個形式的和牛係幾好嘅方式，和牛的美態由粉紅到剛五成的那刻，是欣賞和牛的最佳方案。
順德蒸鮮雞，上次沒有吃過的蒸雞，原來用呢個形式去食都幾特別，雞係滑溜得像女性的肌膚一般，剩係食雞的鮮味已經無話可說，新鮮雞又點會有對手呢？簡單蒸一蒸已是基本的美。
還有的是馬拉糕，新鮮感是有，但珠玉在前，呢個單尾大概只是相機食得開心點吧。
如果你有去過深水埗的金豪，你會知道其小炒和海鮮的平靚正是有多麼的好，一記雞湯翅和避風塘瀨尿蝦肉，已夠你來參閱一下，加上高於水準的火鍋，又怎不會過來這個係太空的金豪呢?金豪酒家
北角炮台山木星街18號C-E地下
张贴
