勝香園

营业中

休息中

行過中上環，天氣好悶熱，朋友提議去飲番杯咸檸七，「好呀～」就行到泥勝香園。呢度出名咩？茄通？脆脆？咸檸七？最出名。。。惡囉，吖應該話，啲姐姐好有霸氣！一坐低，就叫我地睇餐牌，咁親切嘅而家～其實lunch都食得好飽下，不過叫左飲品又口痕，叫多左個奶油脆脆咬下。鐘意佢嘅咸檸七用新鮮檸檬同咸檸檬，姐姐一早篤好晒，出晒檸味。加罐雪碧，咸咸酸酸甜甜，解一解渴～飲飲下跌左飲管，問姐姐拎過，無依依哦哦之餘仲好快拎過枝泥，態度好左反而有啲唔慣😂脆脆樣子依舊，奶油滿佈脆脆之上，仲好鬆化，但其實都無以前咁脆，無以前咁金黃色，感覺求其左。唔知係咪就泥收工，姐姐氣都慳番，少左鬧人，變相少左啲娛樂，少左啲人情味。