八木橋日式燒肉

营业中

休息中

放假最岩約朋友行街食飯，今日行完雅蘭中心就去咗附近嘅八木橋日式燒肉店，一入到店，店員好熱情招待，友善又有禮，好加分！餐廳裝潢充滿日本風，環境又夠寬敞舒適，仲播埋日文歌，令人好似置身日本咁，好有氣氛！自助飲品區有齊汽水、茶，仲有椰汁、冬瓜茶等，超多選擇！今日揀咗霞套餐，鮑魚新鮮彈牙；羊架醃得入味，嫩滑多汁無羊膻味；海鮮推介蜆，肉厚無泥味，甜味突出；大蝦結實鮮甜有嚼勁；帆立貝新鮮甘甜，貝肉軟嫩肥厚；生蠔礦物味比較濃，夠肥美好爽滑！最後食埋杯雪糕，超滿足啊真係！