占師傅 (已結業)

呢一個海綿蛋糕已經流行左一段時間，我之前響韓國台灣都有食過，真係超級好食超級懷緬呢一種味道，而家香港開咗我又點會錯過呢？放工去到都有一大條人龍排緊隊，等咗大概半小時，蛋糕終於到手！蛋糕係師傅現場即做的，排隊嘅時候已經聞到好香好新鮮嘅蛋味！因為製作需時，所以每人只可以購買兩盒。細嫩柔軟的海綿蛋糕，好軟綿綿又甜美，有入口即溶嘅感覺。實際上海綿蛋糕不僅好吃，切海綿蛋糕的過程都好療癒。糕點師用大刀切開超大塊海綿蛋糕的過程，刀子切落去嘅一刻，蛋糕震騰騰，就好似果凍一樣搖晃，睇到個人好開心！師傅每一下切落去都度好位置，一絲不苟！攞咗蛋糕上手之後立即放入口感覺最好！蛋糕充滿蛋香而且十分之有彈性又軟林林！味道真係超好吃！