影片
更多
2023-06-30
2385 浏览
知道佢喺太古開咗好耐，每次經過門口都有人排隊。曾經聽過朋友提起佢嘅晚餐抵食又好味。但始終佢唔喺商場入面，有時會遺忘咗佢。之前一直唔知佢有幾間分店，佢開喺太古嘅時候，仲以為係新餐廳，後來行街見到其他地方都有。餐廳係pet friendly，可以帶埋狗仔一齊。餐廳無戶外座，全部室內，所以狗仔都可以一齊歎冷氣。今日約朋友嚟食tea，目標清晰，我哋決定一人食一份pancake 😋除咗pancake，仲有法式多士、意粉、蛋糕。初頭以為佢會有啲可以share嘅小食，可惜無。經典英式伯爵荼梳乎厘 ($158)Classic Earl Grey Souffle見到佢menu寫住No. 1，張相又幾吸引，應該可以一試!!每份有三大片梳乎厘pancake，上面有伯爵荼醬，旁邊有雪糕、忌廉、貝殼蛋糕、蕨餅、同焦糖脆脆。我同朋友係share食，我先食咗宇治抹茶梳乎厘先，朋友一直話個伯爵荼梳乎厘切唔到。我初頭有啲不解，後來我哋交換食之後就明白。個梳乎厘整得唔夠時間，仲係好削，食落好漿，我哋對比返兩份梳乎厘嘅顔色，宇治抹茶梳乎厘明顯深色啲。口感好漿口，所以好膩，麻麻地 ☹️貝殼蛋糕好乾好硬，第一次食咁實嘅貝殼蛋糕😰
曾經聽過朋友提起佢嘅晚餐抵食又好味。
但始終佢唔喺商場入面，有時會遺忘咗佢。
之前一直唔知佢有幾間分店，佢開喺太古嘅時候，仲以為係新餐廳，後來行街見到其他地方都有。
餐廳係pet friendly，可以帶埋狗仔一齊。
餐廳無戶外座，全部室內，所以狗仔都可以一齊歎冷氣。
今日約朋友嚟食tea，目標清晰，我哋決定一人食一份pancake 😋
除咗pancake，仲有法式多士、意粉、蛋糕。初頭以為佢會有啲可以share嘅小食，可惜無。
經典英式伯爵荼梳乎厘 ($158)
Classic Earl Grey Souffle
見到佢menu寫住No. 1，張相又幾吸引，應該可以一試!!
每份有三大片梳乎厘pancake，上面有伯爵荼醬，旁邊有雪糕、忌廉、貝殼蛋糕、蕨餅、同焦糖脆脆。
我同朋友係share食，我先食咗宇治抹茶梳乎厘先，朋友一直話個伯爵荼梳乎厘切唔到。
我初頭有啲不解，後來我哋交換食之後就明白。
個梳乎厘整得唔夠時間，仲係好削，食落好漿，我哋對比返兩份梳乎厘嘅顔色，宇治抹茶梳乎厘明顯深色啲。口感好漿口，所以好膩，麻麻地 ☹️
貝殼蛋糕好乾好硬，第一次食咁實嘅貝殼蛋糕😰 但係味道係唔錯，蛋味好香，又唔會好甜。蕨餅都係偏硬。最後個焦糖脆脆幾好食。
宇治抹茶紅豆梳乎厘 ($156)
Matcha Red Bean Souffle
兩款梳乎厘pancake都有雪糕，不過只係得雲尼拿味，無其他味道揀。
Menu張相有一球類似雪糕嘅配料，仲以為係抹茶雪糕，原來係雪糕上面淋咗抹茶醬，同加咗抹茶脆脆。
Pancake擺盤同伯爵荼梳乎厘差唔多，一樣有雪糕、抹茶醬、抹茶忌廉、抹茶蕨餅、紅豆同三色丸子。Pancake上面放咗一片口感似mochi嘅裝飾，我仲笑佢有張被🤣
第一片pancake係食宇治抹茶味，所以覺得幾好食。
Pancake 煮得熟啲，口感比伯爵荼pancake札實，無咁漿口。
成件事正常好多。
焦糖脆脆鮮奶咖啡 ($45)
Caramel Crunch Caffee Latte
見到佢有豆花咖啡，唔敢試🫣
揀咗一個好安全嘅飲品。
甜度岩岩好，上面有啲脆脆，幾好飲☕️
石榴檸檬梳打 ($48)
Pomegranate and Lemon Soda
無藥水味!! 好清爽，最緊要唔係好甜。
梳乎厘pancake有啲膩，梳打酸酸甜甜，可以中和一下。
試哩間餐廳前，問過住太古城嘅朋友，有啲就話好食，有啲就試過中雷，水準唔係太穩定。
我個人會將佢放入「無下次」系列。
其實味道唔係差到咁，不過同類型嘅餐廳，同樣價錢，有更好食嘅地方。
加上今次個pancake唔係整得好透，口感唔係太好。
张贴
