茶餐A (已結業)

本身都不太熟港島區，最近同個港島區同事友好左，多左去港島區搵她吃飯，見放假就去左她家附近食少少野。係她屋企走落黎就見到金碧輝瑝的酒店，我真係少黎西環，聽她說西環就好似九龍既深水埗，算是港島裡最舊的社區黎，怪不得周邊的建築物都很舊式，但別有一翻風味。係舊城的電車軌道，來來回回單色的電車，無情的叮叮走過，不帶走半點塵埃。站在電車站前舊式街道上，見到霓虹燈牌像在招手似的，就捧著空的肚子邁進。係既入去茶餐A ja吾洗錦感性既，錦真係抱歉，由於小妹入去時間尚早，沒有茶餐吃，只能散點他們有名的撈麵吃。我點左個秘製豬軟骨撈麵，上菜時間算快，幾分鐘不到就來我面前，明明有電視都來不及看。秘製豬軟骨撈麵，上面佈滿蝦籽，做法有點似澳門的做法，增添了撈麵的香味，豬軟骨炆得好林，就錦咬或者用筷子夾都容易將其分開，而且幾入味，不會太死咸，是適中的咸道。撈麵會配上鮮魚湯，味道有點像有點咸咸地的忌廉湯，飲落好鮮甜，建議吃法是一口麵再喝一口湯，用湯的咸道去配合麵來吃，是最完美的配搭。雖然係幾地道的茶餐廳，但食物的質素都不錯、幾好味。