星海薈﹒譽宴

营业中

休息中

今日帶阿媽黎食餐好既。係石門搵呢間係沙田萬怡酒店既中菜廳，食海鮮。環境方面絕對係高級既裝潢，樓底高，亦坐得好舒服。叫左一壺普洱，同平時出面一般既酒樓比，茶更香。服務亦好好，服務員好好禮貌，亦會叮囑小心熱，好體心。招牌白胡椒蟹 （＄298）最近做緊優惠，所以叫左一個試下，我第一次咁食蟹，非常好食，辣得黎唔同平時辣油既辣，好香好開胃。 同埋隻蟹真係啖啖肉，睇圖可以見到，佢既肉大到成個電話咁，食落又香又鮮。另外叫左個孖寶（＄328）薑葱龍蝦雞煲龍蝦比左半邊，雞既份量亦唔少，全部都食得出食材的確新鮮，煮法亦好配合，岩哂口味。金銀蛋浸時菜呢道菜正好可以平衡下今日既大魚大肉，都好好味。