浜滝 (已結業)

電氣道出名有好多好野食，今次就黎左食下日本野。平時食日本野都係食開放題壽司果啲，不過呢度係食佐酒小食同熱石拉麵嘅。一坐低見倒枱面有張野係介紹地酒嘅，充滿好奇心嘅我梗係試下啦。不過我一次都冇飲過，好在店長都有介紹翻。店長介紹嘅係呢一隻紅色叫開華嘅地酒，佢濃度較為低，而且好易入口，岩哂我呢啲第一次飲嘅人。聞落去好香，飲落口唔會話好攻鼻。飲完個口仲會有餘香。極辛地獄拉麵，個拉麵底有舊石頭令佢保持住個熱度，所以食得慢都唔怕。個拉麵都真係幾辛下嫁，不過食多兩啖就慣左。個溫泉蛋真係好正，佢煮到個面實哂但個黃一啲都冇熟到嫁。石燒近江牛，啲牛粒肥瘦好均勻，呢幾日天氣有啲凍，一放個爐上黎即刻暖翻哂。啲牛粒我燒到半熟就食，好淋，而且仲有啲牛肉汁流出黎，好正呢隻宮崎蠔真係好大隻，幾乎有我隻手掌咁大，一啖過食落口好滿足。聞落好重海水味，但係配合埋佢預先加上去嘅醬汁食一啲都唔鹹，食落好爽口而且仲好新鮮。