輝煌樓海鮮酒家 (已結業)

有日同幾個fd係油麻地行街，有fd突然想食中菜，於是呢間近廟街既酒樓醫肚。果日係平日夜晚，我地估唔到都咁full，等左差唔多半個鐘先有位，下次都係諗定食咩book定位穩陣d。呢度d碗碟好靚，唔知邊度有得買呢。晚飯有5揀1優惠，本身想食片皮鴨兩食，可惜賣哂，唯有轉食冬瓜盅。好采冬瓜盅都無令人失望，湯好清甜，一啖湯一啖冬瓜肉，再一啖海鮮，好消暑。份量夠大，四個人分都卓卓有餘。呢煲豆腐係我另外一個飛佛。用瓦煲上，豆腐好滑，又有豆腐味(唔似百福咁都個滑字)。配埋蘿蔔絲、洋蔥，夠健康，忍唔住食左3大舊🙊。