日悅極尚日式放題 (已結業)

呢晚嚟尖沙咀食放題，二百幾既價錢唔太貴，但最緊要都系食物質素。行左一圈，前菜同甜品款式都唔少，有點酒店自助餐既感覺。刺身連北寄貝同帶子都有，選擇甚多。壽司小小一顆，食完都唔會太飽。特色壽司都有。炸物方面，炸漿略厚，亦凍左啲，為左上菜速度快難免有所犧牲。燒帶子滿滿既沙律醬幾惹味。羊架大大件，如果生啲就perfect!驚喜既系呢度有壽喜燒，甜甜地熱辣辣，正！小杯甜品味道不過不失。當然系留肚食呢度最正既Haagen Daz同movenpick 雪糕！食返幾杯都回本！呢度既綠豆沙都系唔可以錯過，煲得又綿又滑，仲好香臭草味，高質過糖水舖！結論，我會想再嚟食雪糕同綠豆沙！