影片
更多
2017-04-25
749 浏览
雨天係心情殺手，全日都提唔起勁，絕對需要食返餐好黎治癒下個心情今日相約朋友黎佐敦呢間cafe食下午茶，心情終於靚返dd係B出口或者C出口，轉入內街行半分鐘，見到間international taste對面就係。灰色既門口並唔明顯，但平日下午都差唔多滿座，睇黎呢到應該幾受歡迎喜歡露天既朋友可以選擇門外座，幾有味道架，不過我喜好室內多d因爲入面既裝飾幾吸引我。一入門口已經被左邊既單車同牆上既why so serious?字句吸引左，本身麻麻既心情都有種解放左少少既感覺。門口一大個架，全部都係關於咖啡，例如有各種咖啡豆，歐陸式咖啡壺等，如果係咖啡迷應該會好開心！食物餐點有少量意粉，因為主要係包、三文治、沙律、蛋糕同埋全日早餐，雖然聽落係輕食，但好多都飽肚。全日早餐 $78All day breakfast就食得多，大部份都係啲煙肉呀香腸呀呢類煎物，其實都唔太健康。今次揀左呢個早餐就好健康啦首先可以揀燒牛肉或者煙三文魚，然後再跟炒蛋、茄汁豆、多士兩片跟忌廉芝士醬同埋雜莓乳酪，全部都係健康之選。以鐵板上感覺倍添型格滑蛋炒得非常滑嫩！同出面好多早餐既炒蛋黎計，呢個炒蛋滑過好多地方啦！調味比較淡無咩
係B出口或者C出口，轉入內街行半分鐘，見到間international taste對面就係。灰色既門口並唔明顯，但平日下午都差唔多滿座，睇黎呢到應該幾受歡迎
喜歡露天既朋友可以選擇門外座，幾有味道架，不過我喜好室內多d因爲入面既裝飾幾吸引我。一入門口已經被左邊既單車同牆上既why so serious?字句吸引左，本身麻麻既心情都有種解放左少少既感覺。門口一大個架，全部都係關於咖啡，例如有各種咖啡豆，歐陸式咖啡壺等，如果係咖啡迷應該會好開心！
食物餐點有少量意粉，因為主要係包、三文治、沙律、蛋糕同埋全日早餐，雖然聽落係輕食，但好多都飽肚。
全日早餐 $78All day breakfast就食得多，大部份都係啲煙肉呀香腸呀呢類煎物，其實都唔太健康。今次揀左呢個早餐就好健康啦首先可以揀燒牛肉或者煙三文魚，然後再跟炒蛋、茄汁豆、多士兩片跟忌廉芝士醬同埋雜莓乳酪，全部都係健康之選。以鐵板上感覺倍添型格
滑蛋炒得非常滑嫩！同出面好多早餐既炒蛋黎計，呢個炒蛋滑過好多地方啦！調味比較淡無咩落鹽，但依然香口，應該加左唔少牛油同奶去炒面灑少許胡椒吊味，喜歡黑松露既朋友可以加錢，但我無加都覺得唔錯。
雜莓乳酪好耐無all day breakfast有yogurt!! 鋪面既有士多啤梨、藍莓同紅莓，好豐富，入面既yogurt微微酸唔會太甜，仲有唔少cereal碎增添口感，我個人唔中意就咁食yogurt口感太單調，呢個啖啖yogurt又有咬口係我杯茶!!!! 估唔到食到底仲有層士多啤梨醬，我諗應該係要撈yogurt，不過我太遲發現佢已經食左大半杯，估唔到就咁食都唔錯喎！唔會太甜
另一驚喜係塊多士，兩片長長的，比平時既麵包較為薄切，最正係成塊都烤得好香脆，我中意呀加埋坑紋烤得好靚，至於佢唔係跟牛油而係跟忌廉芝士，有別於出面，不過我覺得太過杰身同漏，都唔係好香，所以我就咁食塊麵包覺得仲好食。至於茄汁豆少少地都唔錯，而塊煙三文魚已經變左配角，仲非常薄切唔太夠食哈哈！
燒牛肉bagel Bagel有幾種口味選擇，煙三文魚忌廉芝士、雞胸同燒牛肉，既然前兩者都常見，就揀燒牛肉啦！
燒牛肉片一共四片，其實即係平時火腿果種，配埋生菜同蕃茄，都係個清新之選，本身覺得幾淡，食下食下燒牛肉既咸香通逐漸出黎至於bagel同樣有坑紋，靚靚呢到既bagel較硬實，唔係想像中既煙韌感，所以唔太合我口味。
紅絲絨蛋糕問過店員，麵包同貝果都係攞貨，但全證甜點就自家製，所以決定再點件紅絲絨蛋糕試試。
紅絲絨蛋糕其實唔會太濃味，但外觀同顏色就加哂分，配埋呢個Why so serious?背景，好有feel的說忌廉芝士唔太濃味，咁就好，唔會太漏，size唔太大，女仔都會食到哂一件，有時食得厭朱古力果啲大路選擇，食返呢個也是不錯喔！
雖然呢到咖啡為主，但因為朝早已飲左咖啡，所以就轉左飲花茶。
呢到既花茶都幾特別，例如有藍莓鐵觀音，但又唔知係咩味，呢個test tube rack咁既野裝住既就係各種茶葉，買之前就可以聞下，好貼心喎
我揀左甜蜜時刻，因為比個名吸引左香香地，都唔錯，不過味道唔算太突出。除左輕食仲有意粉之類飽肚啲既選擇，但輕食質素已屬不錯仲有各種擺設都比人一種自成一角既感覺，尤其門口既大餐枱，下次再黎坐果邊先
张贴
