王家沙 (已結業)

又係與銀行界靚女朋友午膳,正值下雨天,靚女唔想行得遠,於是過對面王家沙開餐.此上海名牌年前由蔡瀾生引入,初開張果時去過一次,還不錯的,年前再去黃埔店,水準插水式下跌.兩點鐘算係Late lunch吧,所以有下午茶餐吃,兩個人一人一個set,再加個蝦仁兩面黃,同一籠小籠包.咁多麵條之中,上海麵可以話係最乏味的其中之一種,本身點煮都無味.任你用咩湯底去煨,只會將麵條越煨越爛.呢一次在點菜方面,有點失手.小籠包還能交到貨,無穿無爛,湯汁夠濃夠熱.餡料夠鮮.蝦仁兩面黃,底下的炸麵同童星點心麵無異,炸得唔夠脆.蝦仁肉質霉霉地.唔多掂.難怪網上劣評如潮,係有原因的,下次就算撞正下雨天,打死都唔會再去.最多我幫你擔遮.