影片
更多
2011-02-28
19 浏览
今次處女下海寫食評，行街行到累又肚餓，就去左女人街兩旁d鋪頭搵食。行行下有個著到好似出前一丁個公仔咁既呀叔好熱情咁hard sell我地入去食，見張傳單都ok就入左去啦。入到去，同一般日本餐廳無異。誰知…有個侍應叫我地上去上層，一上到去...有如去左另一個世界。好似去左茶餐廳食日本菜咁….空氣中到夾雜住一種異味…應該係”up”味。不過上左黎唯有坐低，雖然個環境係差d但係都希望佢d野食唔係咁差。一打開個餐牌…woo~個餐牌好舊呀！舊都唔緊要…仲要係”笠痴痴”嫁囉！真係掀多兩頁都唔想！ 睇緊食咩既時候，見倒隔離臺既特價三文魚刺身個賣相….即刻唔敢叫。快快咁睇完個餐牌就叫左餃子, 多春魚天婦羅, 甜蝦刺身, 三文魚壽司, 帶子壽司, 蟹子壽司, 同蔥三文魚碎手卷。甜蝦刺身都ok, 算正常。心想︰可能鋪面差d都可以食倒好野….點知……餃子個餃子一黎見佢熱辣辣...諗住尚算新鮮實無死啦！誰不知一夾已經心知不妙，從來都未食過未合晒口爆晒既餃子嫁囉！一食落口就知中招，無肉汁無味，仲要個外皮係濕到烚完先煎咁。多春魚天婦羅個多春魚天婦羅係就係多呀，不過係炸粉多囉仲要硬到暈！我叫多春魚咼，唔係叫炸粉咼，有
今次處女下海寫食評，行街行到累又肚餓，就去左女人街兩旁d鋪頭搵食。行行下有個著到好似出前一丁個公仔咁既呀叔好熱情咁hard sell我地入去食，見張傳單都ok就入左去啦。
入到去，同一般日本餐廳無異。誰知…有個侍應叫我地上去上層，一上到去...有如去左另一個世界。
好似去左茶餐廳食日本菜咁….空氣中到夾雜住一種異味…應該係”up”味。
不過上左黎唯有坐低，雖然個環境係差d但係都希望佢d野食唔係咁差。
一打開個餐牌…woo~個餐牌好舊呀！舊都唔緊要…仲要係”笠痴痴”嫁囉！真係掀多兩頁都唔想！
睇緊食咩既時候，見倒隔離臺既特價三文魚刺身個賣相….即刻唔敢叫。
快快咁睇完個餐牌就叫左餃子, 多春魚天婦羅, 甜蝦刺身, 三文魚壽司, 帶子壽司, 蟹子壽司, 同蔥三文魚碎手卷。
甜蝦刺身
都ok, 算正常。心想︰可能鋪面差d都可以食倒好野….點知……
餃子
個餃子一黎見佢熱辣辣...諗住尚算新鮮實無死啦！
誰不知一夾已經心知不妙，從來都未食過未合晒口爆晒既餃子嫁囉！
一食落口就知中招，無肉汁無味，仲要個外皮係濕到烚完先煎咁。
多春魚天婦羅
個多春魚天婦羅係就係多呀，不過係炸粉多囉仲要硬到暈！
我叫多春魚咼，唔係叫炸粉咼，有無搞錯！
無人地d多春魚咁有味都算喇，咁多炸粉令我地不得不咬左掉左去先食倒多春魚！
真係食倒都喊三聲呀！
但差成咁既食物都未係最差，真係低處未算低！
三文魚壽司
壽司黎到…第一個反應係…「嘩！咩黎嫁????」
三文魚壽司6件有4件都係爛, 仲有一件上面有d不知名既蔥段…..同朋友唯有一人食一件試下….
OMG!!!!!我食果舊入面竟然有魚鱗囉！點食呀！之後全部三文魚壽司都無食到了
蟹子壽司
蟹子壽司都算正常….不過d飯就真係….唉* 一pat野……….
帶子壽司
帶子完全無帶子味，食左落口都唔知自己食緊乜 (因為舊飯都唔知似乜)…..
仲要一d都唔新鮮！
平時食飯都唔會食剩野…..
但因為今次既壽司同手卷太難食既關係，手卷郁都冇郁過，壽司剩左2∕3無食，
我地已經將可以食得入口既野都食晒….雖然係好浪費食物但真係難食到你唔會想放d咁既食物入口！
咁既食物質素咁既服務態度竟然埋單要$169,真係食到一肚火！
為左唔再浪費食物…..我地有生之年都一定唔會再黎！！
亦都奉勸各位為左自己既舌頭同健康著想，免得過都唔好嘗試，除非閣下想試下最難食既日本菜。
张贴
