影片
更多
2025-08-18
0 浏览
10分滿分只可以比3分。放張收據先。先講d好嘅，皇帝菜新鮮，食落爽口。蝦滑彈牙、鮮味足同埋睇得出好多蝦肉喺裡面。環境幽靜、裝修同氣氛都唔錯。火焰三椰鍋d湯好飲，用左兩隻椰青水煮，甜味突出。雖然湯好飲，但雞肉個人覺得係被糟蹋左，因為d雞肉食落係又無味又柴又硬。佢地既火焰三椰鍋係先用一大舊牛油去炒一炒雞肉表面，倒白酒點火做表演，然後加入湯同椰青水煮滾，工作人員過黎開鍋撇沫就可以食得。平時我地打邊爐食雞肉都係掉入去水滾唔見紅就攞出黎食，都知道煮太耐會硬會無味，但係哩度就再加多兩個加熱步驟，雞肉被炒左差唔多一分鐘，火燒左十秒，又水滾左兩三分鐘先有人黎開蓋撇沫，雞肉肯定硬啦。牛肉拼盤既牛舌、牛胸爽都ok有d牛味，其他肉就只有軟嫩口感但完全無牛味，純靠油碟，我煮嗰陣已經盡量一煮熟就撈起避免煮過頭，但唔知係咪因為湯既甜味太重cover左，真係食唔出幾多鮮味。員工服務質素都比較差，哩個同食物質素無關，單純個人感受。只有一位著襯衫既男士態度好好，可惜唔係一直在場。成餐飯食完肚飽但係唔滿足，落去隔離街邊舖食左個辣雞肉飯先算比個肚食完一餐飯。
10分滿分只可以比3分。
放張收據先。
先講d好嘅，皇帝菜新鮮，食落爽口。蝦滑彈牙、鮮味足同埋睇得出好多蝦肉喺裡面。
環境幽靜、裝修同氣氛都唔錯。
火焰三椰鍋d湯好飲，用左兩隻椰青水煮，甜味突出。
雖然湯好飲，但雞肉個人覺得係被糟蹋左，因為d雞肉食落係又無味又柴又硬。佢地既火焰三椰鍋係先用一大舊牛油去炒一炒雞肉表面，倒白酒點火做表演，然後加入湯同椰青水煮滾，工作人員過黎開鍋撇沫就可以食得。
平時我地打邊爐食雞肉都係掉入去水滾唔見紅就攞出黎食，都知道煮太耐會硬會無味，但係哩度就再加多兩個加熱步驟，雞肉被炒左差唔多一分鐘，火燒左十秒，又水滾左兩三分鐘先有人黎開蓋撇沫，雞肉肯定硬啦。
牛肉拼盤既牛舌、牛胸爽都ok有d牛味，其他肉就只有軟嫩口感但完全無牛味，純靠油碟，我煮嗰陣已經盡量一煮熟就撈起避免煮過頭，但唔知係咪因為湯既甜味太重cover左，真係食唔出幾多鮮味。
員工服務質素都比較差，哩個同食物質素無關，單純個人感受。
只有一位著襯衫既男士態度好好，可惜唔係一直在場。
成餐飯食完肚飽但係唔滿足，落去隔離街邊舖食左個辣雞肉飯先算比個肚食完一餐飯。
张贴
