鮨文 (裝修中)

見咁多好評，一直都好想試食。我們約了中午一點，日本餐還是中午飯比較抵食，點了 兩份$530 廚師發板 ，包括15貫壽司、茶碗蒸、手卷、甜品。一邊食一邊傾，某啲壽司都唔記得影相，一口食咗落肚。最深刻嘅係，吞拿魚面頰，即係面珠燈，口感非常好，亦唔係好多壽司店有呢個部位提供。日本活帶子，爽口又鮮甜。日本赤海膽，有海水味鮮甜，非常推介。燒右口魚手卷簡直係回味無窮，油香十足，舌尖上的享受。食埋甜品剛剛好。對女性來講，係非常夠飽。