影片
更多
2021-08-13
60 浏览
第一眼就睇中佐敦尼間嘅招牌十八層海膽杯，見到圖片都已經開始流口水🤤流口水🤤。入到去見到已經幾乎滿座，好彩仲有一張卡位，一坐低就有熱茶俾我，我揀嘅巨峰梳打好正，甜度適中。第一個上嘅係柚子沙葛，唔食以為係蘿蔔添，味道好清新，沙葛同柚子味好夾。跟住就到我最期待嘅招牌十八層海膽啦，見到時都忍唔住嘩左聲，真係好正咁吖。迫不及待地用最上面嘅燒白飯魚脆片加埋啲黑魚子同北海道紫海膽，嘩，真係好鬼正，啲海膽入口即溶咁，同我一樣好中意食海膽嘅你地，記得一定咪錯過吖。跟住仲有沖繩海葡萄，凡立貝，牡丹蝦，北海道紫海膽......每一層都係鮮甜同美味，啱曬我尼啲吃貨。焦糖西京醬煎銀鱈魚，賣相好靚，本身就好中意焦糖菜式嘅我，遇上尼味魚真係好surprise，不過一定要趁熱食先最好味，連唔太中意食魚嘅我，都覺得好食，不得了吖。北海道煎北寄貝，尼個樣好吸引我，好中意食北寄貝，爽口又鮮甜，啲北寄貝好新鮮，火候掌握亦都啱啱好，好好味喔。最期待嘅海膽醬芝士焗原隻龍蝦終於出場啦，又忍唔住“嘩！嘩！嘩！”真係一秒都唔等得吖，啲芝士好邪惡，猛咁扯住我個胃咁。鐵板燒之後嘅龍蝦好香，加埋啲海膽醬芝士，簡直係人間美味，平時都係叫一碟龍
入到去見到已經幾乎滿座，好彩仲有一張卡位，一坐低就有熱茶俾我，我揀嘅巨峰梳打好正，甜度適中。
第一個上嘅係柚子沙葛，唔食以為係蘿蔔添，味道好清新，沙葛同柚子味好夾。
跟住就到我最期待嘅招牌十八層海膽啦，見到時都忍唔住嘩左聲，真係好正咁吖。迫不及待地用最上面嘅燒白飯魚脆片加埋啲黑魚子同北海道紫海膽，嘩，真係好鬼正，啲海膽入口即溶咁，同我一樣好中意食海膽嘅你地，記得一定咪錯過吖。跟住仲有沖繩海葡萄，凡立貝，牡丹蝦，北海道紫海膽......每一層都係鮮甜同美味，啱曬我尼啲吃貨。
焦糖西京醬煎銀鱈魚，賣相好靚，本身就好中意焦糖菜式嘅我，遇上尼味魚真係好surprise，不過一定要趁熱食先最好味，連唔太中意食魚嘅我，都覺得好食，不得了吖。
北海道煎北寄貝，尼個樣好吸引我，好中意食北寄貝，爽口又鮮甜，啲北寄貝好新鮮，火候掌握亦都啱啱好，好好味喔。
最期待嘅海膽醬芝士焗原隻龍蝦終於出場啦，又忍唔住“嘩！嘩！嘩！”真係一秒都唔等得吖，啲芝士好邪惡，猛咁扯住我個胃咁。鐵板燒之後嘅龍蝦好香，加埋啲海膽醬芝士，簡直係人間美味，平時都係叫一碟龍蝦大家一齊食，係尼度一人分量已經有一大隻，真係大滿足。
用餐時間冇限制，坐得亦好舒服，重點係啲野食好好味，色香味俱全，下次再來一定要book鐵板燒前面啲座位，睇埋製作過程更加正。最後埋單仲有8折，勁抵食勁開心吖。
张贴
