卓記粥店 (已結業)

自西區線開通後，相信方便了不少食客到來搵食，昨今兩朝小弟也專程來這裏吃碗粥。這店位處十字路口閘角位，佔地兩層，地下是開放式，幸好這兩朝天氣也不太熱,，坐樓下也覺得通爽。昨日吃過柴魚花生粥，粥棉，料多，柴鱼大大塊，花生還沒過腍，咬落脆脆的。粥好有柴鱼獨有香味，非常好食。今朝嘅菜乾豬骨粥更吃到粥香，菜乾、咸豬骨各種味道，係有層次嘅。十六蚊碗！絕無將貨就價，難得難得！掌厨嘅兩位師傅看來都好年輕，我向佢話D粥好食，佢亦好客氣連聲多謝。吃完好味嘅粥，心情愉快。