影片
更多
2022-01-10
461 浏览
話說我老婆生日諗住book晚餐，但這一餐實在太難忘，食到一肚氣。我之前都未試過寫食評，佢實在令我一定要寫低，提醒下想試下這餐廳的各位：訂枱：打去餐廳book枱，佢話只可以whatsapp, ok 咁msg book枱都可以。我2大1小食飯，諗住book 3個餐，但佢話生日當天訂一個7個course的餐就送1個3個course的生日餐。我聽落就覺得有d怪，生日要定7個course,咁又送一個3個course,如果兩個人去邊個食個3個course的生日餐呢？佢又話唔比加錢改返正常餐，ai 算啦，返正我有個小朋友，咁當係佢先啦。到左前一星期，我諗住同佢訂埋main course, 佢先講生日餐main course係廚師當天定，無得選，而且也不在menu 中😓我問佢加錢轉，又話唔得，我個時已經有d不滿，無理由去到先知，咁唔合食點算？食飯當天正係晚餐堂食的最後一天，我向之前一日收到佢的msg問我可不可以早15分鐘到，因為個晚好多人。我心諗你唔係想一晚做兩枱客呀！？我同佢講話你地從來都無講過得2小時用餐時間，佢覆「本身都系18：45-20：45 只系請客人早15分鐘到😂」，又話到時同事會講。我見
訂枱：
打去餐廳book枱，佢話只可以whatsapp, ok 咁msg book枱都可以。我2大1小食飯，諗住book 3個餐，但佢話生日當天訂一個7個course的餐就送1個3個course的生日餐。我聽落就覺得有d怪，生日要定7個course,咁又送一個3個course,如果兩個人去邊個食個3個course的生日餐呢？佢又話唔比加錢改返正常餐，ai 算啦，返正我有個小朋友，咁當係佢先啦。
到左前一星期，我諗住同佢訂埋main course, 佢先講生日餐main course係廚師當天定，無得選，而且也不在menu 中😓我問佢加錢轉，又話唔得，我個時已經有d不滿，無理由去到先知，咁唔合食點算？
食飯當天正係晚餐堂食的最後一天，我向之前一日收到佢的msg問我可不可以早15分鐘到，因為個晚好多人。我心諗你唔係想一晚做兩枱客呀！？我同佢講話你地從來都無講過得2小時用餐時間，佢覆「本身都系18：45-20：45 只系請客人早15分鐘到😂」，又話到時同事會講。我見到個😂真係嬲到我噴火, 你而家笑緊我無知？有限用餐時間的話，你定餐時好講啦，而且你係提供緊一個798+1 一個餐的法國餐廳，唔會諗住2個鐘趕個客走，做第二枱呀？7個course 喎仲要襯酒，有冇咁趕呀，我之前未試過去食一間法國餐廳係只得兩個鐘的用餐時間。最後佢就話比我無指定時間完。但我已經覺得伏伏地，如果無落訂我真係想選過間
環境：
一入到去，個窗外維景係靚嘅，但係餐廳裝修真係好一般，近窗係坐長梳化已經係cheap啦，佢個梳化仲要係pvc面，而且明顯有d膠面都甩咗出嚟。一望張枱有張格格不入的黃色笑臉紙，oh原來係口罩袋，一d都唔襯個格局。枱面的杯，餐具明係平貨，仲有歲月痕跡。
食物：
餐前麵包無加熱過，枱面無醋，問侍應後，原來全餐廳都無醋同橄欖油😓只得牛油。7個course的前菜質素不是差，但好普通，加上放到日本城的碟上，唔見得比普通西餐廳好。3個course的生日餐係，餐湯，沙律同主菜，餐湯係同7course的一樣，沙律係最普通的雜菜沙律，就連餅乾粒芝士都欠奉。7個course的前菜中除左鵝肝，無一個覺得ok。蟹肉手卷仲食到有蟹殼，雖然係軟的部分，但感覺不好。
到main course, 7個course的兩個餐我點了封門柳和地中海式燒海魚，生日餐係送「特嫩雞胸」。封門柳係正常，但魚一入口係好重腥味，但以為食緊淡水魚，再切入d，發現個質地有d似魚生。我心諗唔係唔熟吓，定係我唔識嘢地中海燒法就係咁呀？問一問個侍應，仲以為佢會答「係咁呀」，點知佢又問問廚師，廚師竟然話未熟😡仲話煮返熟俾我，我有無聽錯，未熟已經係不能接受啦，唔係牛肉呀！佢仲話係返熟比我😠唔係整過一條。雖然再整我都唔會覺有任可期望，但整返熟係更加接受唔到。仲要一句對唔住都無!
個「特嫩雞胸」又係另一傑作，首先講唔上嫩字，而且個汁仲差過茶餐廳，係個好酸的燒汁，而個雞肉又係酸，我都唔知係個汁酸定係雞肉有醃過，總之酸到唔想食，食左無一半就停手。
最後我哋叫佢唔好上個魚，直接上甜品。無心情食！
甜品：
向whatzapp 有同佢地講左生日字句，佢地話會加向甜品，另外還提醒我無加錢升級甜品，ok，甜品加happy birthday 字最普通不過啦，反正佢個升級個個小蛋糕都唔吸引。但當天實在o左咀，佢黎嘅竟然係一個好大的方型碟寫happy birthday,上面有隻小型的硬身朱古力公仔，另外有三小兜，各有一個小雪糕球，其中一兜插左蠟燭。生日喎，甜品唔係一件蛋糕仔都無呀，竟然有勇氣向雪糕上插蠟燭，798+1的晚餐，甜品竟然係一球芝麻雪糕😒見到支蠟燭向雪糕上面真係唔知比咩反應好
這間餐廳實在太經典，如果想去試的話實在要三思!
张贴