影片
更多
2019-05-20
108 浏览
難得同男朋友撐枱腳，決定豪一次，食啲平時想食又唔捨得食既野。呢間「Mini Friday」之前已經食過，覺得都唔錯既。—點菜之前，已經有個小食薄餅仔比我地食住先。😬呢個真係幾好食呢，唔係好似薯片咁脆，但係點埋個醬食真係幾好食喎。—本身諗住叫一杯雜果賓治，但驚唔夠飲，於是叫左一jar。—我地叫左一個餐，一個散叫，所以只係跟左一個是日餐湯。是日餐湯係栗米忌廉湯，雖然普通左啲，但係味道都唔錯，好香甜既栗米味。😉—鮮蟹濃湯平時見得多龍蝦湯，見到竟然有蟹湯，點都要試下。清楚見到有唔少既蟹肉，令味道更豐富。不過講到個味，藍妹覺得勁似龍蝦湯，我地懷疑佢根本就係龍蝦湯🤔—香草牛油焗田螺酥盒之前未食過田螺酥盒，同我想像中既差不多，冇令我失望。😜新鮮焗起，酥盒幾酥化，牛油味都算重，配埋中等Size既田螺食，正。😍—溫泉蛋菠菜大啡菇大啡菇，好似真係幾大隻😂第一啖覺得個菠菜味好重，有少少蓋過左蛋汁既味道，不過配埋大啡菇食，都尚算唔錯。但食多兩啖之後，藍妹發現唔太鐘意陣菇味，因為出水出得好交關，所以變相有草腥味。😢整體黎講，整得唔差，不過唔岩藍妹既口味。😣—法式羊鞍寶雲酥藍妹成日都話最鐘意食羊，仲要係騷果隻。😏
—
點菜之前，已經有個小食薄餅仔比我地食住先。😬呢個真係幾好食呢，唔係好似薯片咁脆，但係點埋個醬食真係幾好食喎。
—
本身諗住叫一杯雜果賓治，但驚唔夠飲，於是叫左一jar。—
我地叫左一個餐，一個散叫，所以只係跟左一個是日餐湯。是日餐湯係栗米忌廉湯，雖然普通左啲，但係味道都唔錯，好香甜既栗米味。😉
—
鮮蟹濃湯平時見得多龍蝦湯，見到竟然有蟹湯，點都要試下。
清楚見到有唔少既蟹肉，令味道更豐富。
不過講到個味，藍妹覺得勁似龍蝦湯，我地懷疑佢根本就係龍蝦湯🤔
—
香草牛油焗田螺酥盒之前未食過田螺酥盒，同我想像中既差不多，冇令我失望。😜
新鮮焗起，酥盒幾酥化，牛油味都算重，配埋中等Size既田螺食，正。😍
—
溫泉蛋菠菜大啡菇大啡菇，好似真係幾大隻😂
第一啖覺得個菠菜味好重，有少少蓋過左蛋汁既味道，不過配埋大啡菇食，都尚算唔錯。
但食多兩啖之後，藍妹發現唔太鐘意陣菇味，因為出水出得好交關，所以變相有草腥味。😢
整體黎講，整得唔差，不過唔岩藍妹既口味。😣
—
法式羊鞍寶雲酥藍妹成日都話最鐘意食羊，仲要係騷果隻。😏
今次既羊鞍騷味一般，藍妹覺得唔太夠，但係羊肉既味道都出色既。
煮到全熟，所以肉質比較韌，藍妹接受到呢種口感。🤔
藍妹好鐘意係羊肉上面沾左芥末醬既麵包糠，同羊味好夾，脆卜卜口感更好！😁
不能不提個薯蓉係加左黑松露，所以好香好好食，只係略嫌落多左鹽。
—
香煎鴨胸伴鴨肝 配 黑醋汁呢味菜式又係比較少食到。
鴨胸煎得老左少少，藍妹覺得如果煮少一分鐘左右會更好，而家有啲乾身。😔
味道好似平時食既燒鴨咁，係藍妹鐘意既味道。
唔知係咪鴨肝同鵝肝唔同，今次呢個鵝肝超級超級肥美，一咬落去，係成口都係鴨油。😱
但係食鴨肝鵝肝，就係想要呢種甘香既油脂。🤤
—
即製梳乎厘班戟配雪糕梳乎厘班戟好鬆軟，配埋雲尼拿雪糕，真係冇得彈。
唔好睇佢好似鬆化冇野咁，但食哂3舊都咪話唔飽。😬
—
心太軟配雪糕藍妹一向怕食心太軟，因為唔鐘意食苦既朱古力。
呢個心太軟既朱古力味仲係接受範圍之內，唔會好甜。☺️
流心既效果一般，裡面既朱古力醬已經「瓊瓊」地，夾埋雪糕食又係正。
—
食過兩次，藍妹覺得呢間野既水準都唔錯，性價比合理既。
未必會成日黎食，但係間中一次都未嘗不可。😁
张贴
