影片
更多
2022-09-23
333 浏览
唔係第一次食呢間餐廳，係呢一區少有嘅 打卡西餐廳！所以今晚同女仔朋友聚會黎就好perfect, 影靚相岩哂！佢係有啲dinner set嘅，但我哋散叫，前菜嗌咗忌廉酥皮菠菜同埋一個焗肉丸，兩個都係用鑊仔上，所以熱辣辣！個酥皮幾脆， 焗肉丸中間仲有隻蛋同底下有d 蘑菇，個蕃茄醬好食，好適合配個意粉。跟住主菜嗌咗個慢煮bbq醬豬肋骨，經典配搭加埋薯條一定冇死！ 薯條就一般，但個豬肋骨幾唔錯，有啲位嘅肋骨唔係一整條骨，而係好似啲細軟骨咁，所以可以啖啖肉！然後去打卡餐廳梗係嗌d打卡飲品同甜品， 呢個菠蘿特飲睇網上好多人嗌，真係好啱打卡！！上面片菠蘿就算冇焦糖都係甜嘅，飲品應該係菠蘿汁溝咗啲雪碧，底下仲有啲平時嗌手搖飲品有嗰啲一粒粒一口咬就會爆嘅珠珠，都幾唔錯！另外呢杯就叫Bananarama shake﹐應該係香蕉芒果奶昔，睇落去非常之美國style﹐同呢個餐廳好襯，飲落去我地食唔到芒果味，反而有啲似韓國嗰隻香蕉奶，都係打卡100分。 佢啲甜品唔算好多款，但樣樣都好似有啲想食咁，有一個梳乎厘omelette好似好正，不過睇上去好似會好飽，所以我地就叫咗個火焰雪山嚟share。上台佢會先淋酒而且
佢係有啲dinner set嘅，但我哋散叫，前菜嗌咗忌廉酥皮菠菜同埋一個焗肉丸，兩個都係用鑊仔上，所以熱辣辣！個酥皮幾脆， 焗肉丸中間仲有隻蛋同底下有d 蘑菇，個蕃茄醬好食，好適合配個意粉。
跟住主菜嗌咗個慢煮bbq醬豬肋骨，經典配搭加埋薯條一定冇死！ 薯條就一般，但個豬肋骨幾唔錯，有啲位嘅肋骨唔係一整條骨，而係好似啲細軟骨咁，所以可以啖啖肉！
然後去打卡餐廳梗係嗌d打卡飲品同甜品， 呢個菠蘿特飲睇網上好多人嗌，真係好啱打卡！！上面片菠蘿就算冇焦糖都係甜嘅，飲品應該係菠蘿汁溝咗啲雪碧，底下仲有啲平時嗌手搖飲品有嗰啲一粒粒一口咬就會爆嘅珠珠，都幾唔錯！另外呢杯就叫Bananarama shake﹐應該係香蕉芒果奶昔，睇落去非常之美國style﹐同呢個餐廳好襯，飲落去我地食唔到芒果味，反而有啲似韓國嗰隻香蕉奶，都係打卡100分。
佢啲甜品唔算好多款，但樣樣都好似有啲想食咁，有一個梳乎厘omelette好似好正，不過睇上去好似會好飽，所以我地就叫咗個火焰雪山嚟share。上台佢會先淋酒而且d酒好多，所以會燒幾耐有非常充足時間畀你影個IG story haha. 其實呢間餐廳啲員工幫我地影相都影得唔錯！
Overall覺得呢間餐廳真係非常打卡able! 啲d碟都好靚，連包濕紙巾都有design! 我見到佢係有下午茶tea set嘅，之後可以再嚟試下！
张贴
