影片
更多
2020-07-12
59 浏览
現時香港既港式小菜好多都粗製濫造，一係大集團經營以致間間餐廳都一式一樣，了無新意，一係就成名後難以維持水準。幸好今次遇到呢間仍然具有昔日香港高質既中菜館，成名多年後水準仍得以保持，實在難能可貴。今次由於只得我同老婆撐檯腳，所以我地只係叫左兩味餸：招牌沙拉骨同埋濃湯手打魚腐浸勝瓜。招牌沙拉骨呢款城中酒樓必有既小菜，整得好食既真係所剩無幾。而容記既招牌沙拉骨，可以話係相當高水準，可能係因為師傅盡得沙拉骨創始人容哥真傳之故吧。人地話沙拉骨重點係沙律醬，其實絕對唔係。重點真係離不開外脆內嫩既排骨。而容記既沙拉骨，絕對做到呢一點，加埋出面份量適中既沙律醬作點綴，酸酸甜甜，令人食指大動。咁先係香港中式餐館應有既質素。濃湯手打魚腐浸勝瓜看似平平無奇既呢款家常順德菜，其實都可以顯露出師傅準備充足。濃湯係咪足料香濃，真係一試就知，而呢度既湯頭絕對算得上高水準之作。濃湯同魚腐，兩者相輔相成，兩者都係魚味香濃，鮮而不腥，有咁既效果，薑既作用相信應該居功至偉。加埋新鮮勝瓜，吸收濃湯精華，軟身之餘，亦保留著新鮮勝瓜既微微脆口。加埋香芹作伴，令整道家常菜從此變得不再平凡。值得一提係呢度既絲苗香米。 如果絲苗米唔香
現時香港既港式小菜好多都粗製濫造，一係大集團經營以致間間餐廳都一式一樣，了無新意，一係就成名後難以維持水準。幸好今次遇到呢間仍然具有昔日香港高質既中菜館，成名多年後水準仍得以保持，實在難能可貴。
今次由於只得我同老婆撐檯腳，所以我地只係叫左兩味餸：招牌沙拉骨同埋濃湯手打魚腐浸勝瓜。
招牌沙拉骨
呢款城中酒樓必有既小菜，整得好食既真係所剩無幾。而容記既招牌沙拉骨，可以話係相當高水準，可能係因為師傅盡得沙拉骨創始人容哥真傳之故吧。人地話沙拉骨重點係沙律醬，其實絕對唔係。重點真係離不開外脆內嫩既排骨。而容記既沙拉骨，絕對做到呢一點，加埋出面份量適中既沙律醬作點綴，酸酸甜甜，令人食指大動。咁先係香港中式餐館應有既質素。
濃湯手打魚腐浸勝瓜
看似平平無奇既呢款家常順德菜，其實都可以顯露出師傅準備充足。濃湯係咪足料香濃，真係一試就知，而呢度既湯頭絕對算得上高水準之作。濃湯同魚腐，兩者相輔相成，兩者都係魚味香濃，鮮而不腥，有咁既效果，薑既作用相信應該居功至偉。加埋新鮮勝瓜，吸收濃湯精華，軟身之餘，亦保留著新鮮勝瓜既微微脆口。加埋香芹作伴，令整道家常菜從此變得不再平凡。
值得一提係呢度既絲苗香米。 如果絲苗米唔香、咬落無韌度，我食返珍珠米唔好？ 呢度既絲苗香米令人驚喜，絲苗米香，口感韌度亦恰到好處，用小菜佐食，簡直一流。
有真功夫既中式餐飲係香港真係買少見少。希望容記仍能繼續保持水準，為香港人繼續提供本來應有水準既港式小菜。
张贴
