影片
更多
2020-10-25
1329 浏览
《放題》話說小編真係好耐無食過放題😭以前好出名個d大X喜，漁X，全部都係藍！🐢知道我好鍾意食放題，幾經辛苦搵到一間係銅鑼灣既黄色放題，撞正我星期六灣仔上堂，放學就可以行去食😳我地book左星期六7點，時限2小時，收費係$239再加一，盛惠～$263一個人。價錢黎講都正路既。佢食物既款式種類都ok。刺身方面，佢有三文魚、珍寶赤蝦、油甘魚、希靈魚、北寄貝、八爪魚、鮑片、馬刀貝、北海道角螺同赤貝。你可以逐個揀要幾多，你懶得揀既佢有個「刺身拼盤」比你揀，佢斷人頭每樣比一件你。我覺得刺身質素係唔差，個珍寶赤蝦係極大個。最得意係有泰式生蝦😂另外用碟上。佢仲有好多壽司/軍艦/火炙壽司/卷物/手卷揀，我地點左d比較特別既海膽壽司/鵝肝帶子壽司等，佢個壽司飯好迷你，好值得讚。其他食材都ok，唔會好出色但唔伏。沙律方面，佢種類有D多元化，有川式既尖椒皮蛋手拍青瓜，有泰式既無骨鳳爪，又有海南雞揀，都多野揀。我個人覺得佢既沙律爭d，原因係佢上碟個樣好頹😂頹到我都廢事影。份量唔會太多，味道我會話正常無太大驚喜。炸物都係d各式既天婦羅，仲有芝士年糕呀，香芋丸呀，炸豆腐炸雞翼呀個d。值得一讚既係佢d炸物係即炸，上枱
話說小編真係好耐無食過放題😭以前好出名個d大X喜，漁X，全部都係藍！🐢知道我好鍾意食放題，幾經辛苦搵到一間係銅鑼灣既黄色放題，撞正我星期六灣仔上堂，放學就可以行去食😳
我地book左星期六7點，時限2小時，收費係$239再加一，盛惠～$263一個人。價錢黎講都正路既。
佢食物既款式種類都ok。刺身方面，佢有三文魚、珍寶赤蝦、油甘魚、希靈魚、北寄貝、八爪魚、鮑片、馬刀貝、北海道角螺同赤貝。你可以逐個揀要幾多，你懶得揀既佢有個「刺身拼盤」比你揀，佢斷人頭每樣比一件你。我覺得刺身質素係唔差，個珍寶赤蝦係極大個。最得意係有泰式生蝦😂另外用碟上。
佢仲有好多壽司/軍艦/火炙壽司/卷物/手卷揀，我地點左d比較特別既海膽壽司/鵝肝帶子壽司等，佢個壽司飯好迷你，好值得讚。其他食材都ok，唔會好出色但唔伏。
沙律方面，佢種類有D多元化，有川式既尖椒皮蛋手拍青瓜，有泰式既無骨鳳爪，又有海南雞揀，都多野揀。我個人覺得佢既沙律爭d，原因係佢上碟個樣好頹😂頹到我都廢事影。份量唔會太多，味道我會話正常無太大驚喜。
炸物都係d各式既天婦羅，仲有芝士年糕呀，香芋丸呀，炸豆腐炸雞翼呀個d。值得一讚既係佢d炸物係即炸，上枱真係熱辣辣燙口既，不過佢因為會夾埋其他枱一齊炸，所以有時會拖單，但唔會漏你。最驚喜佢有個脆皮炸香蕉，脆脆既外皮入面有香蕉蓉😳我覺得幾好味
燒物有串燒呀，燒羊腩/三文魚，燒蝦/豬頸肉個d，小編覺得燒羊腩同燒三文魚都唔好食，🐢又話幾好食，所以都落唔到結論。但燒菠蘿係超級好食，因為上碟仲出緊煙，d汁鎖得好實🥰
佢特別之處有一欄泰式料理揀，有幾款泰式炒菜揀，泰式蝦/魚餅，炒蜆/煮田螺/炒墨魚，仲有一堆泰式炒粉麵揀，仲有冬蔭公湯。質素一定無泰國餐廳好食架啦，但值得讚係個田螺幾好味，同埋有款新出既咸蛋黃炒薯條，雖然賣相唔靚但炒得超香幾好味！
飲品方面有好多汽水揀，仲有幾款啤酒😂～甜品就有個櫃比你自己拎，我覺得榴槤糯米糍好好味，其他求其拎左2個蛋糕仔我覺得伏伏伏。有雪糕揀但飽得制無拎了。
老實講，你問我質素既話，我覺得佢一定差過傳統大集團既放題，尤其食物既賣相唔太好，味道我覺得勉強pass既。同埋坐得都逼，book左位都要等15分鐘先入到。抵唔抵食就見仁見智啦，但如果好想過下放題口癮，又唔願意幫襯藍店既，都可以黎呢間試吓既😂
张贴
