SABROSA (已結業)

媽媽生日話想食西班牙菜 見呢間評分唔錯 就決定嚟試下 嘩點知係個陷阱嚟 我第一次食野失望到要打差評😾首先 餐廳位置真係好隱閉 蕩失路搞左好耐先上到去可能係星期五晚 一入去嘈到街市咁 餐廳又細又迫仲坐咁多人 唔講以為係旺角啲樓上cafe lol侍應啲態度真係世界級 以為佢先係我個客 做餐廳咁signature嘅sangria同啲啤酒名又唔寫係個餐牌度 要我自己望個櫃有咩 問多兩句又好唔耐煩咁 Prosecco都冇係咩事 酒錢咁好賺都唔做真係笑死😂😂😂上菜嗰時仲犀利 大爺咁就咁企喺度等你自己搬開其他碟佢先放落嚟 我做埋你份工好冇? 食物嚟講其實唔錯 鵝肝同沙律 炸海鮮都幾好食 講真佢空間冇咁迫 侍應冇咁差先會襯得起食物質素 好浪費不過咁個焗春雞出哂事 賣相雖然好好但痴線第一次食雞係苦嘅🤢🤢🤢好明顯啲內臟未洗乾淨 就咁求其塞舊檸檬喺入面有鬼用咩 又苦又澀成餐最好食居然係伴碟薯仔 你話係咪笑話嚟😂仲有一樣我最不滿嘅係 生日都係為左開心 我訂位嘅時候明明講清楚哂要寫happy birthday message 仲講埋媽媽個名 點知上碟係完全冇左件事😡😡😡啲侍應咁嘅樣我都廢事要佢幫我整番 拿拿琳食