影片
更多
2008-02-06
27 浏览
自己唔算係食家,一向都係睇人哋d食評多今次真係好想話俾大家知呢間嘢d服務真係差到爆...我嗰日去食LUNCH,原本入到去都覺得環境好舒服,仲播懷舊歌...好有心思同特色....再加上人流不絕,所以感覺都唔錯但冇幾耐,我發現我張檯係唔平,有少少搖嚟搖去,我就同個waiter (TXM) 講,希望佢可以安排其他檯,或者攞D嘢墊一墊....點知佢聽我講完之後,係咁易望兩望就話'冇檯換喎'之後就行咗去,我即刻叫住佢可唔可以搵D紙墊一墊,佢就即刻黑哂面, 好唔耐煩咁行過嚟話其實張檯本身可以調較,但係佢未搬走哂檯上D餐具就托起張檯,我同我老公就好狼狽咁攞住D餐具喺隻手度...可惜佢越攪張檯就越斜.又手忙腳亂,我好心叫佢唔好攪,D食物HOLD住先,等有檯嗰陣我轉第二張,佢話:'咁而家冇檯喎,你食住先啦' (食到就唔駛叫你轉啦=.=")我: 咁你同個帶位講聲先,同我HOLD住D食物咪得囉佢就行咗去喇....但冇幾耐,我D食物就出咗喇喎佢又行埋嚟我:唔係HOLD住D唔食物嘅咩??佢:咁而家出咗嚟咪放喺張檯度先囉之後我都未識反應佢就張D嘢擺上檯之後其他FOOD就陸續嚟喇.....我哋冇掂過D食物雖然之後我
今次真係好想話俾大家知呢間嘢d服務真係差到爆...
我嗰日去食LUNCH,原本入到去都覺得環境好舒服,仲播懷舊歌...好有心思同特色....再加上人流不絕,所以感覺都唔錯
但冇幾耐,我發現我張檯係唔平,有少少搖嚟搖去,我就同個waiter (TXM) 講,希望佢可以安排其他檯,或者攞D嘢墊一墊....點知佢聽我講完之後,係咁易望兩望就話'冇檯換喎'之後就行咗去,我即刻叫住佢可唔可以搵D紙墊一墊,佢就即刻黑哂面, 好唔耐煩咁行過嚟話其實張檯本身可以調較,但係佢未搬走哂檯上D餐具就托起張檯,我同我老公就好狼狽咁攞住D餐具喺隻手度...可惜佢越攪張檯就越斜.又手忙腳亂,我好心叫佢唔好攪,D食物HOLD住先,等有檯嗰陣我轉第二張,
佢話:'咁而家冇檯喎,你食住先啦' (食到就唔駛叫你轉啦=.=")
我: 咁你同個帶位講聲先,同我HOLD住D食物咪得囉
佢就行咗去喇....但冇幾耐,我D食物就出咗喇喎
佢又行埋嚟
我:唔係HOLD住D唔食物嘅咩??
佢:咁而家出咗嚟咪放喺張檯度先囉
之後我都未識反應佢就張D嘢擺上檯
之後其他FOOD就陸續嚟喇.....我哋冇掂過D食物
雖然之後我哋都轉咗檯...但,D食物擺到凍咗至食,D麵又索咗D湯....變淋咗>.<"
雖然間嘢係'地檔',都唔係一d service都冇ga???我自己都係做呢行,唔明佢哋點解可以唔CARE每位客人嘅感受,張檯摇擺不定食唔到嘢,我都想食得舒服D 0者,咁就要睇佢面色
我諗我唔會再去囉,希望大家都考慮清楚,附近其實仲有好多更好嘅選擇
张贴