尚上下夏 - 養生雞煲火鍋 (已結業)

好耐冇食過🐔雞煲+🍲打邊爐啦，今次一次過滿足哂2樣😋喱間之前友人帶我黎過，覺得都唔錯所以今次再翻兜。🥢食物🍴1️⃣雞半隻$159: 🌱芫茜係不留情放上雞煲到，好多🤭（唔要芫荽嘅朋友要提早講聲啊！）我地叫左小辣，唔算好辣有少少麻；d雞好滑，啖啖肉，入面仲有豬皮同洋蔥一齊煲。食完雞落滾水做打邊爐都夠味，不過可以加錢轉其他湯底架！2️⃣手切頂級安格斯（小）$159: 擺盤見到每一塊既雪花紋理好靚，牛味香濃。3️⃣黑豚肉$60: 肉質細嫩，脂肪平均，唔錯。4️⃣鬼馬墨魚$35: 上面是墨魚🦑下面是油炸鬼，配搭幾特別，建議墨魚向湯方向滾2-3分鐘內就食得啦。5️⃣四寶丸$47: 金沙魚旦入面有流沙咸蛋黃；火辣牛丸越食越辣，不過都幾特別😂另外仲有芝心丸+爆炸魚籽球。💥環境💥入面既牆壁好多色彩繽紛嘅畫，畫得都幾靚有創意，裝修環境似高級大排檔，坐得幾舒服😌💥服務💥店員（疑似老闆😂）都會講下有咩建議，例如會按你需要介紹湯底，都幾有禮貌。