影片
更多
2023-01-14
300 浏览
睇日本旅遊節目介紹雞盛宴就睇得多，估唔到而家香港都有得食！由兩位日本師傅主理嘅餐廳似乎份外有條理，由踏入門口一刻即感受到日式高級餐廳應有嘅親切招待同禮儀，一絲不苟嘅服務態度令我哋更期待佢哋嘅食物🤩同一般omakase一樣，當日餐點內容已經因應時節定好，不變嘅係佢地只用日本鹿兒島黑薩摩走地雞，肉質口感結實，特點係可生食。以雞丸子湯作為開場白，清淡嘅湯品令味蕾慢慢蘇醒同時暖一暖胃。慢煮雞胸配牛油果、烏魚子碎，酸甜醬汁調味令平實嘅雞胸肉更添滋味。雞柳魚子可算係全餐嘅其中一個精髓，雞柳以昆布醃製然後燒至三成熟，用紫菜包住三文魚子一啖食。口感比全熟更加軟糯但味道並唔特出，由於魚子味濃，可以將生雞味蓋掩，怕怕嘅人都值得一試！雞肝醬鬆餅，口感濃滑，配上南瓜子同雜果乾，口感同層次豐富。串燒之中雞頸令人驚喜，入口嫩滑無骨而且爽口彈牙！雞皮雞肉串、雞腎邊、雞肉軟骨串、雞翼、雞腿肉等等都係師傅即席以炭火燒，好香口。最特別嘅串燒莫過於雞尾，肥美彈牙，油脂感十足，絕無腥臭味！不過串燒調味都較濃，適合送酒之餘會有少少飽膩感‼️所以係串燒之間有其他料理中和吓～雞冠茶碗蒸上面勾咗蟹芡，雞冠本身無特別味道，茶碗蒸比較下之
由兩位日本師傅主理嘅餐廳似乎份外有條理，由踏入門口一刻即感受到日式高級餐廳應有嘅親切招待同禮儀，一絲不苟嘅服務態度令我哋更期待佢哋嘅食物🤩
同一般omakase一樣，當日餐點內容已經因應時節定好，不變嘅係佢地只用日本鹿兒島黑薩摩走地雞，肉質口感結實，特點係可生食。
以雞丸子湯作為開場白，清淡嘅湯品令味蕾慢慢蘇醒同時暖一暖胃。
慢煮雞胸配牛油果、烏魚子碎，酸甜醬汁調味令平實嘅雞胸肉更添滋味。
雞柳魚子可算係全餐嘅其中一個精髓，雞柳以昆布醃製然後燒至三成熟，用紫菜包住三文魚子一啖食。口感比全熟更加軟糯但味道並唔特出，由於魚子味濃，可以將生雞味蓋掩，怕怕嘅人都值得一試！
雞肝醬鬆餅，口感濃滑，配上南瓜子同雜果乾，口感同層次豐富。
串燒之中雞頸令人驚喜，入口嫩滑無骨而且爽口彈牙！雞皮雞肉串、雞腎邊、雞肉軟骨串、雞翼、雞腿肉等等都係師傅即席以炭火燒，好香口。最特別嘅串燒莫過於雞尾，肥美彈牙，油脂感十足，絕無腥臭味！不過串燒調味都較濃，適合送酒之餘會有少少飽膩感‼️
所以係串燒之間有其他料理中和吓～
雞冠茶碗蒸上面勾咗蟹芡，雞冠本身無特別味道，茶碗蒸比較下之下相對普通 ；竹炭、南瓜麩配雞肉麵豉醬；甘酒柚子雪芭配慈菇脆片；芝士甜薯鹹甜交融幾特別
飽到上心口之際主餐點會以雞白湯拉麵/黑松露蛋黃飯(+$100)作結，個人偏好拉麵，湯底濃稠卻唔膩，拉麵麥味香且彈牙掛湯；唔夠飽的話揀飯就啱晒，黑松露加蛋撈飯本身已滿足，估唔到仲加咗雞軟骨碎碎，口感唔會單一。
最後甜品係抹茶布丁配粟子蓉海鹽雪糕，食到尼刻知道間餐廳絕無hea你任何一秒！抹茶味濃郁到我相信有人會驚咗但我食晒^^，清甜嘅粟子蓉再加埋鹹鹹地嘅雪糕真係好好味！
💭
全程會有1-2位專門負責講解的員工係上菜時逐一介紹，有其他疑問嘅時候佢哋都會耐心解答，整體唔錯！Friday night去嘅時候full house，地方唔大記得預約啊～
张贴
