燒吧

成班同事一齊去聚餐，其實平時都食唔少燒物，一般質素都係預料之內，但今次真係覺得係非常用心製作，絕對係預料之外，用心之作。

特別係雞皮餃子，可以話係超好食，如果唔係怕唔健康，一定會叫多幾串🤤

其他食物都好有質素，鍾意食串燒一定要去試，絕對值得食！

價錢方面以串燒黎講，都唔算特別平，但有返咁上下質素，覺得係物有所值。

另外店舖位置係喺屋村商場嘅地舖，住開軍澳嗰邊唔算太難搵。鋪面唔算好大，不過整體感覺舒服，乾淨企理，算係一個同朋友傾偈嘅好地方！