燒吧

营业中

休息中

行過見到呢間串燒店，望下門外餐牌📄，價錢幾合理喎，就入去試下啦！地方雖然唔算好大，但坐得幾舒服，唔會逼夾。食物選擇夠特別，除咗基本嘅雞肉、雞腎、牛舌，仲有啲出面少見嘅款式，有驚喜！真心推介佢哋嘅鹽燒原條馬友🐟，真係好香！生蠔🦪好鮮甜，開邊雞中翼燒得啱啱好，魚卜同雞肝都好有風味，值得試。（記得要有少少耐性，即叫即燒🔥㗎）鍾意飲兩杯嘅朋友會開心，佢哋嘅Sake種類都幾多🍶，配串燒一流。講真，好耐冇遇到咁高質嘅小店！我同另一半都算幾麻煩🤣，又要乾淨、又要好食、服務又要自然唔造作... 估唔到呢度全部滿足晒！食材同賣相對得住價錢有餘，環境仲好Chill，坐得舒服。總結四個字：**性價比高**！👌 真心會再嚟！

呢間唔起眼嘅燒烤店，絕對係有誠意嘅隱世選擇。佢冇花巧裝修，但一入去就感受到份親切感。環境寧靜舒服，唔會太嘈雜，啱晒想靜靜哋享受美食嘅人。見到隔籬枱叫清酒，店家用上好別緻嘅器皿盛載，呢啲小細節睇得出用心。食物係重點，樣樣有誠意：鹽燒生蠔、蟶子(勁大隻），用簡單鹽燒，食到新鮮原味，火候剛好。雞頸肉，誠意推介！師傅花功夫一條條起肉，食落方便，口感特別爽嫩，值得一試。雞皮餃子，手作感十足，外皮香脆，餡料惹味，有心思嘅配搭。半熟安格斯牛肉，必食之選！牛肉半熟嫩滑到極，撈勻洋蔥粒同濃郁嘅無菌蛋，口感層次豐富。鹽燒雞亦，外皮燒得香脆可口，咬開肉汁滿滿，證明師傅掌握火候嘅功力。成間店由待客到食物，都感受到一份低調而實在嘅誠意。如果你搵緊一間唔商業化、有人情味、食物用心做嘅隱世燒烤，呢度絕對值得你發掘同支持。

去過幾次嘅燒烤店，好有人情味，唔公式化，一入去就覺得好親切。店家會記得熟客嘅口味，呢點好加分。穩世嘅燒烤店，每一次都食得出誠意，每一串燒烤都係燒得啱啱好，用料新鮮。同男朋友去，叫幾枝啤酒，靜靜地傾偈，好舒服。推薦必試：鹽燒原條馬友：鮮味十足。鹽燒北寄貝、蟶子：新鮮好味。牛肉配無菌蛋：呢個真係要試！非常好味！非常好味！半熟牛肉好嫩滑，配埋洋蔥粒同撈勻嘅無菌蛋，口感同味道都好正，係我食過數一數二好嘅。真心推介大家去試下，特別係鍾意靜靜地食嘢、傾計嘅朋友。

今晚想一個人靜一靜，做一些自己喜歡的事情。我最喜歡的就係食，所以係openrice 搵下串燒店，但又要靜，又要好食，星期六真係唔易。竟然比我搵到，就係呢間「燒吧」，不過，有啲難搵，如果唔熟呢頭，真有點吃力。坐低，就叫咗支Asahi, 食串燒唔可以冇啤酒。之後就食牛舌心，算係可以，唔係我平時喜歡食薄薄的片，但係爽果啲，而且大咗少少韌。仲有白鱔，算係唔錯。仲有雞翼，如果唔係試過天后燒嘅雞翼呢間都算唔錯，但係同天后冇得比，最主要係唔夠肉汁，但外皮好脆。而明太子則喜出望外地好食！個黃金豆腐燒都非常好食，外脆內熱軟。仲有燒蒜蓉生蠔，非常好味。因為太好食，所以叫埋鹽燒生蠔，不過就覺得呢一隻唔係好新鮮，冇咁鮮甜，蠔味都唔夠。但係個燒菠蘿超級，超級好味，好多汁，仲有外皮係脆。今餐共$486

🧭Shiba 燒吧（將軍澳）⭐️隱世屋邨串燒⭐️🇯🇵即叫即燒串燒💸鹽燒白鱔 $68💸見好多人都食 好似幾出名$68一串唔平 但白鱔處理得好食唔簡單燒完皮脆肉嫩 口感一流白鱔嘅油香喺燒嘅過程迫晒出嚟食落好肥美 肉質鮮甜 🐟💸香煎鵝肝多士 $88💸上碟嘅時候望落已經好吸引鵝肝好好食 入口即溶 超級邪惡配多士同本身個sauce好夾兩個人食份量啱啱好 唔會太膩🪿💸 小貝柱黑松露炒飯 $128💸炒飯黑松露味唔夠出 聞落冇想像中咁香貝柱散落喺個飯入面 搭配菜絲同芝麻每啖都食到唔同口感飯嘅調味都好食 係一個唔錯嘅主食🍚💸 孜然蒜燒茄子 $58💸茄子熟度啱啱好 唔會燒到背面燶晒平時食串燒最怕落得太多孜然粉 但呢個茄子孜然粉份量合適 唔會鹹到係咁飲水加埋啲芝麻鋪面 好香好juicy 🍆💰人均 ~$350🍗食物：8/10👨‍✈️服務：8/10🪑環境：7/10💯總分：7.5/10總結: 太多唔同串燒，不能盡錄，揀咗幾個好食嘅推薦俾大家。舖頭如其名，有shiba 狗狗店長，食飽可以同佢玩吓。舖頭比較難搵，喺屋邨入面，座位唔多，有興趣可以提早預約。🐕#hongkong #hkfood #hkfoodie #foodi

朋友請食飯多次推介呢一間忍世小店，喺雲雲嘅屋村裏便有一間咁有heart咁好食嘅串燒店的確值得支持。今次試佢嘅係隱藏餐牌Omakase驚喜，性價比極高！滿足！有機會一定要多啲嚟將軍澳幫襯！

今日話你知，喺將軍澳呢家餐廳食嘅嗰啲菜，真係正到不得了，我心水嘅鵝肝同燒白鱔，尤其個鵝肝多汁濃郁得嚟又嫩滑，味道豐富到即刻令我味蕾狂歡🤩！而果條燒白鱔，魚肉鮮嫩，皮炸到脆卜卜，轉頭就响晒齒縫裡面，很滋味啊～💥"別問我是誰"真係創意十足，跟個大廚講下自己鍾意啲咩，佢就即刻整出一道驚喜，每一次嚟食都有新滋味，就好似唔同旅行咁，實行食物嘅無限可能！串燒都好吸引，啲肉質彈牙得嚟又多汁，燒得啱啱好，完全唔會柴，啲味道真係豐富到爆炸！啲意粉又係一絕，麵條夠晒彈牙，伴隨住啲醬汁，啖啖必中，美味得很！嚟呢度食嘢，感覺就好似行咗一個大滿貫，每樣嘢食都滿足晒我嘅渴望👍🏼。環境舒服，服務又貼心，下次一定再嚟攞支筷子去味蕾上旅行啦！🍽️😋🥢

夜晚十一點 放工同班同事想搵野咬下 係將軍澳近近地 上網打串燒就 搵到呢間 位於將軍澳唐明街1號富康花園商場地下56號舖 我地仲打去問店員點去 我地諗住坐的去 佢地就教我地 的士由正門入村 叫的士大佬轉右邊行到尾就見到 又真係幾方便 就係甘 甘岩得岩Q 就黎左呢間食 一去到我地四件蛋散 見到咩想叫就食 意想不到廚師手藝一流 用心正的食物 食到成班仲有靚女姐姐介紹你邊樣好食 人均食左400蚊 值得翻check👍🏻串燒白鱔 一流 黎呢到一定要食其他燒野 海鮮 都新鮮野味 無伏味食得出廚師 落足心急正比你食 唔係hea 你唯一可惜地方 無大杯生啤飲 希望黎緊會有番

本著一試的心態，睇倒將軍澳有餐廳收深夜兩點，就一行五人去試下，一到門口，單看門口同週邊環境完全不配，一間簡約有設計過嘰門口，旁邊的租戶都係好陳舊的，呢個都唔係重點，入到去，坐底，就完全無覺得自己在一個屋邨的餐廳內，感覺比倒你身處銅鑼灣尖沙咀一樣，証明裝修上落過心思，員工友善有禮貌，食物方面都無失望，整体平均，鷄皮餃子必要試(推薦的)開左紅白酒各一支，幾支啤酒，二千蚊埋單，價錢方面睇齊旺區，整體感覺良好，五星星，會再過幇襯。

如果你不是將軍澳人，你一定不知道這間隱世超好味的串燒店！因為就算你是將軍澳人也未必知道！雖然舖頭地點比較隱蔽！但識捐窿捐罅的將軍澳人，就一定知道！食物誠意十足！對串燒有興趣嘅朋友一定要支持

成班同事一齊去聚餐，其實平時都食唔少燒物，一般質素都係預料之內，但今次真係覺得係非常用心製作，絕對係預料之外，用心之作。特別係雞皮餃子，可以話係超好食，如果唔係怕唔健康，一定會叫多幾串🤤其他食物都好有質素，鍾意食串燒一定要去試，絕對值得食！價錢方面以串燒黎講，都唔算特別平，但有返咁上下質素，覺得係物有所值。另外店舖位置係喺屋村商場嘅地舖，住開軍澳嗰邊唔算太難搵。鋪面唔算好大，不過整體感覺舒服，乾淨企理，算係一個同朋友傾偈嘅好地方！

👍🏿雪芭最欣賞哩個，原個生果切開釀入雪芭👍🏿黃金豆付 個牛油溶左入去，好正👍🏿翠玉瓜又係溶左d 芝士定牛油入去，好入味👍🏿茄子第一次食用哩種醬燒嘅茄子，雖然我唔食得太辣，但我食唔停👍🏿菠蘿最出色，咁樣切法，方便食之外，密糖又包得密👍🏿飲sake 有得揀杯，超開心👍🏿白鱔肉質夠咬口👍🏿蝦醬雞翼蝦醬味可以突出多d👍🏿油甘魚鮫好夠大件，啖啖肉，可惜肉質較鞋整體都好出色，惟屋村食店黎講，價錢算中上

今晚想吃串燒，發現將軍澳除了小野人外、還有一間有格調的串燒店，於是兩個人衝入去食飯。餐廳有吧枱同普通坐位，當時有一位客人在吧枱食飯外，沒有其他人，我和男友選了沙發位，坐得舒服啲跟住睇餐牌，首先價錢一定唔平😂，都係一串串買…但好彩後尾嚟到的食物份量都唔少、所以感覺冇咁蝕，因為我哋好怕食唔飽🤣🤣當然食得串燒都預咗唔平不過我order時有問過店員食物的份量，佢話一人一串，我以為好似小野人咁小份量，所以我好多嗌咗雙份，結果嚟到一串的份量都唔少，好似牛舌有四五嚿，雞皮餃子有四隻一串..如果店員唔咁講、我可以試多啲唔同口味，唔使每樣嚟雙份不過都係小插曲….（度縮怪心態發作😛）我哋食咗茄子、雞軟骨、牛舌、明太子雞翼、五花腩、豬頸肉、黑松露薯條、雞皮餃子等等…講真、我覺得以上全部都好好食！尤其係薯條，雞皮餃子、雞翼等…最後埋單463，計埋加一，我個人覺得飽，但男友就小飽🤣下次有名目可以洗多啲錢就再嚟食海鮮，睇其他食客寫到好正..今次冇影相，淨係掛住食！不過我都會再去淺嘗嘅，到時再放相

生日食乜真係唔洗諗…一定係SHIBA啦🥰掛住佢啲嘢食就一定嘅！又坐得舒服…岩哂同屋企去😌最近愛上雞皮餃子🥟幾邪惡都要食返一兩舊🙈連屋企班長老都話要encore!!!🤤牛舌, 五花腩, 白鱔, 墨魚棒, 雞子, 田雞, 黑松露薯條, 燒菠蘿….呢d就基本要食架喇🤪連食嘢非常腌尖嘅都食到讚不絕口, 海鮮都一樣出色🤭舒舒服服….靜靜地….又唔限時….真係一個超正嘅地方🤤🤪

之前都有黎食過幾次串燒，夜晚忽然想食海鮮，記得佢哋有就嚟試吓元貝大大啖肉花竹蝦有蝦味重要唔洗剝殼南非鮑魚(切片上,所以唔會難咬再加埋底嘅蔥花香，正👍🏻👍🏻）花甲同蟶子既生熟到都拿捏得剛好之前食過既白鱔串雖然好食，但會有啲細骨今次老闆話改良左所以再試，基本上食唔到骨，可以一啖咬,皮脆肉有汁🤤🤤🤤超正重有好少有既活北寄貝都有原條馬友未試過食燒既，個皮脆卜卜，再配埋個辣汁大滿足了❤️❤️❤️